राष्ट्रिय गौरवको (बेनी–जोमसोम–कोरला) सडक सहज भएपछि मुस्ताङमा पर्यटकको आगमनदर वृद्धि हुँदै गएको छ।

गृहमन्त्री ओमप्रकाश अर्यालले आगामी फागुन २१ गते हुने निर्वाचनका लागि सम्पूर्ण सुरक्षा प्रबन्ध मिलाइसकिएकाले निर्धक्क भएर मतदानमा सहभागी हुन मतदाताहरूलाई आह्वान गरेका छन्।

भदौ २३ र २४ गते जेनजी आन्दोलनमा भएको बल प्रयोग लगायतका घटनाको छानबिन गर्न गठित जाँचबुझ आयोगको प्रतिवेदनमा उल्लेख हुने सुझाव र सिफारिसलाई कार्यान्वयन गर्ने पनि रास्वपाको वाचापत्रमा उल्लेख छ।

सर्लाहीको मलंगवाको एक मन्दिरमा फेला परेको बेवारिसे पेस्तोल खेलाउने क्रममा पड्किँदा एक बालक घाइते भएका छन्।

एमालेले सिंहदरबार र सर्वोच्च अदालतलगायत आगजनी भएका सरकारी संरचनाहरूको पुनर्निर्माणलाई निश्चित समयसीमा भित्रै सम्पन्न गर्ने प्रतिबद्धता जनाएको छ।

दुर्घटनामा हरिपुर्वा नगरपालिका–९ मिर्चैयाका ३० वर्षीय मुकेश राय र रामज्ञान रायको मृत्यु भएको छ।

नेपाल र भारतबीच फौजदारी मुद्दाको अनुसन्धान, प्रमाण संकलन र न्यायिक कारबाहीमा संस्थागत समन्वय बढाउने उद्देश्यले पारस्परिक कानूनी सहायता सम्झौतामा हस्ताक्षर भएको छ।

हेटौँडा–१९ सान्नानटारमा टिपरले मोटरसाइकललाई ठक्कर दिँदा चालकको मृत्यु भएको छ भने पछाडि सवार अर्का एक जना घाइते भएका छन्।

नारायण गोपाल चोकमा पैदल यात्रीलाई हातपात गरेको भिडियो सामाजिक सञ्जालमा सार्वजनिक भएपछि प्रहरीले ४२ वर्षीय जिपचालक पारस बमलाई पक्राउ गरी अनुसन्धान थालेको छ।

तामाकोशी नदीमा बस खस्दा बेपत्ता भएकामध्ये थप एक जनाको शव मंगलबार फेला परेसँगै दुर्घटनामा मृत्यु हुनेको संख्या १४ पुगेको छ।

ताप्लेजुङकै विभिन्न ठाउँ र छिमेकी जिल्लाबाट समेत आएका महिला, केटाकेटी, युवा, पाका सबैका हातमा धागो थियो, तर अनुहारमा डर। उनीहरूलाई आशंका थियो— प्रहरीले अघिल्लो वर्षजस्तै गोली पो चलाउने हो कि!

काठमाडौँका १० निर्वाचन क्षेत्रमा प्रतिनिधिसभा सदस्यका लागि मनोनयन दर्ता गरेका २५० उम्मेदवारमध्ये हालसम्म १२० जनाले मात्र निर्वाचन आयोगको निर्देशनअनुसारको बैंक खाता खोलेका छन्।

विगतका निर्वाचनहरू वैशाख वा जेठमा हुने गरे पनि यस पटक फागुन २१ गतेका लागि तय हुँदा चिसो छल्न बेँसी झरेका मुगुको कार्मारोङका बासिन्दालाई मतदान केन्द्रसम्म पुग्न कठिन हुने भएको छ।

मलेसियाले आफूलाई क्षेत्रीय कार्बन क्याप्चर केन्द्रका रूपमा उभ्याउने लक्ष्य राखेको छ। गत वर्ष यससम्बन्धी विधेयक पारित गरेको मलेसियाले आगामी ३० वर्षमा दुई खर्ब ५० अर्ब डलरसम्म आर्थिक लाभ हुने आकलन गरेको छ।

सर्लाहीमा कार्यरत सब–इन्जिनियर प्रमोदकुमार यादवको गोली हानी हत्या भएको विरोधमा मधेश प्रदेशका कर्मचारीहरूले मंगलबार हातमा कालोपट्टी बाँधेर ‘पेनडाउन’ गरी कामकाज ठप्प पारेका छन्।

भारतसँग सीमा जोडिएको तिरिङ मात्र होइन, मेचीनगर-१, २, ३ र ४ सम्म फैलिएको सिंगो बाहुनडाँगीका स्थानीयको चार दशकदेखि साझा चासो र प्रश्न छ– जंगली हात्तीबाट जिउज्यान र बाली कसरी जोगाउने?

स्वास्थ्य तथा जनसंख्या मन्त्रालयले जेनजी प्रदर्शनका क्रममा घाइते भएका दुई हजार ५९९ मध्ये हालसम्म प्राप्त दुई सय जनाको विवरणलाई वर्गीकरण गरेको छ।

विगतका निर्वाचनमा पाएका आश्वासन पूरा नभएको अनुभव सँगालेका कञ्चनपुरका बादी समुदायले यस पटकको निर्वाचनमा उम्मेदवारहरूसँग प्रतिबद्धता मात्र होइन, समस्या समाधानको विश्वासिलो कार्ययोजना मागिरहेका छन्।

सर्वोच्च अदालतमा विचाराधीन रिटको अन्तिम किनारा नलागेसम्म रवि लामिछानेविरुद्धका संगठित अपराध र सम्पत्ति शुद्धीकरणसम्बन्धी मुद्दा फिर्ता नहुने आदेश कास्की जिल्ला अदालतले दिएको छ।

मन्थलीस्थित तामाकोशी नदीमा बस दुर्घटना भई बेपत्ता भएका तीनमध्ये एकको शव खुर्कोटमा फेला परेको छ भने अन्य दुईको खोजी कार्य जारी छ।