काठमाडौँ प्रशासनले चक्रपथ भित्रका सम्पूर्ण भूभागमा कर्फ्यु जारी गरेको भए पनि युवाहरू भेला भइरहेका हुन्। सडकमा सुरक्षाकर्मीको बाक्लो उपस्थिति छ।

काठमाडौँ महानगरपालिका चक्रपथ क्षेत्रभित्रका सबै भूभागमा बिहान ८:३० बजेदेखि लागू हुनेगरी अर्को आदेश जारी नभएसम्मका लागि कर्फ्यु आदेश गरिएको छ।

मन्त्रीहरूको निवास रहेको भैँसेपाटी, नेपाली कांग्रेसको पार्टी कार्यालय रहेको सानेपा र नेकपा एमालेको पार्टी कार्यालय रहेको च्यासल क्षेत्रमा मंगलबार बिहान ७ बजेदेखि कर्फ्यु लगाइएको छ।

सोमबारको जेनजी पुस्ताको प्रदर्शनमा प्रहरीको गोली लागेर १९ जनाको मृत्यु भएको थियो भने ४२१ जना घाइते भएका छन्।

जेनजी आन्दोलनका क्रममा १९ जनाको मृत्यु र अरू धेरै जना घाइते हुने गरी प्रहरीले गोली चलाएको बानेश्वर क्षेत्रमा दिनभर बस्दा देखियो– प्रहरीको भूमिका अस्वाभाविक थियो।

'जेनजी' आन्दोलनका क्रममा ठूलो जनधनको क्षति भएपछि गृहमन्त्री रमेश लेखकले पदबाट राजीनामा दिएका छन्।

पर्साका प्रमुख जिल्ला अधिकारी तोयनारायण सुवेदीले सोमबार बेलुका ९ बजेदेखि मंगलबार बिहान ९ बजेसम्म लागू हुने गरी निषेधाज्ञा आदेश जारी भएको जानकारी दिए।

त्रिभुवन विश्वविद्यालय (त्रिवि)ले परीक्षा स्थगित गरेको छ।

पूर्वन्यायाधीश ईश्वरप्रसाद खतिवडाले सोमबार काठमाडौँमा भएको घटनाको मुख्य कारण ‘विवेकी राजनेता’ र ‘उत्तरदायी राज्य सञ्चालन प्रणाली’को अभाव भएको बताएका छन्।

ललितपुरमा एमाले र कांग्रेसका पार्टी कार्यालय रहेका क्षेत्र, भैँसेपाटीस्थित नयाँ मन्त्रीनिवास र न्यायाधीशहरूको निवास रहेको पुल्चोक क्षेत्रमा निषेधाज्ञा जारी गरिएको छ।

‘जेनजी’ आन्दोलनका क्रममा गोली लागेर काठमाडौँ उपत्यका र इटहरीमा गरी १९ जना प्रदर्शनकारीको मृत्यु भएको छ।

भ्रष्टाचार र सामाजिक सञ्जालमाथिको प्रतिबन्धविरुद्धको ‘जेनजी आन्दोलन’का क्रममा गोली लागेर १७ जना प्रदर्शनकारीको मृत्यु भएको पुष्टि भएको छ।

जेनजीको प्रदर्शनका क्रममा मानव अधिकारको हनन भएको बताउँदै आयोगले यसलाई सुक्ष्म रूपमा अध्ययन गर्ने जनाएको छ।

'जेनजी' प्रदर्शनको समाचार संकलन गर्न खटिएका चार जना पत्रकार घाइते भएका छन्।

प्रदर्शनले उपत्यकाका विभिन्न स्थानको शान्तिसुरक्षामा बाधा पुगेपछि विद्यालयहरूले बसमार्फत विद्यार्थीलाई घर पुर्‍याउन विभिन्न वैकल्पिक मार्ग प्रयोग गर्नु परेको छ।

‘सम्भावित परिस्थिति मूल्यांकन गर्ने, घुसपैठ भएर आन्दोलन अराजक हुनसक्छ भन्नेसम्म आकलन गरेर सुरक्षा रणनीति बनाउनुपर्नेमा त्यो गरेकै देखिएन। यसलाई हल्का रूपमै लिएको देखियो।’

ट्रमा सेन्टर, सिभिल, एभरेस्ट, केएमसी र त्रिवि शिक्षण अस्पतालमा १०० जनाभन्दा बढी घाइते प्रदर्शनकारीहरूको उपचार भइरहेको छ।

अस्पतालमा पुर्‍याइएका अन्य घाइतेहरूको अवस्था पनि चिन्ताजनक रहेको र उनीहरूको तत्काल शल्यक्रियाको तयारी भइरहेको सम्बन्धित अस्पतालहरूले बताएका छन्।

जिल्ला प्रशासन कार्यालय, कास्कीले पोखराका केही स्थानलाई निषेधित क्षेत्र घोषणा गरेको छ।

ट्रमा सेन्टरमा ६ जना, सिभिल अस्पतालमा २, केएमसी अस्पतालमा १ र त्रिवि शिक्षण अस्पतालमा १ जनासमेत १० जनाको मृत्यु भएको पुष्टि भएको छ।