पहिलो त्रैमास र वर्षान्तमा रकमान्तर गर्ने, शून्य बजेट विनियोजन भएका आयोजनामा रकमान्तर गर्ने, राष्ट्रिय गौरवका आयोजनामा छुट्याइएको बजेटसमेत रकमान्तर गर्ने गरेको पाइएको छ।

कांग्रेस दलभित्र गगनकुमार थापाको नेतृत्वमा हुँदै गरेको विद्रोहले गति लिँदैछ। तिनी सफल भएको खण्डमा नेपाली कांग्रेस (शेरबहादुर) तथा नयाँ नेपाली कांग्रेस गठन हुने प्रबल सम्भावना देखिन्छ।

दिउँसो पनि तराईमा हुस्सु रहनेछ। कोशी, गण्डकी र कर्णालीका उच्च पहाडी तथा हिमाली भूभागमा आंशिक बदली हुनेछ।

गृह मन्त्रालयले ७७ वटै जिल्ला प्रशासन कार्यालयलाई सर्कुलर जारी गर्दै गैरकानूनी क्रियाकलापमा संलग्न जोसुकैलाई अविलम्ब कानूनी दायरामा ल्याई कारबाही प्रक्रिया अघि बढाउन निर्देशन दिएको छ।

अत्यधिक हिमपात र प्रतिकूल मौसमका कारण फ्रान्समा ५ जनाको मृत्यु भएको छ भने युरोपभरका प्रमुख विमानस्थल र यातायात सेवा ठप्प भई जनजीवन कष्टकर बनेको छ।

क्यानले भारत र श्रीलंकामा संयुक्त रूपमा आयोजना हुने आईसीसी पुरुष टी२० विश्वकपका लागि रोहित पौडेलको कप्तानीमा राष्ट्रिय टोली घोषणा गरेको छ।

काठमाडौँ महानगरपालिकाका तत्कालीन प्रमुख प्रशासकीय अधिकृत एवं सहसचिव प्रदीप परियारसहित सात जनाले भ्रष्टाचार मुद्दामा सफाइ पाएका छन्।

नेपाली कांग्रेसले आगामी माघ ११ गते हुने राष्ट्रियसभा सदस्य निर्वाचनमा अन्य राजनीतिक दलहरूसँग तालमेल गरेर जाने निर्णय गरेको छ।

राष्ट्रिय मानवअधिकार आयोगले साम्प्रदायिक, सामाजिक, सांस्कृतिक एवं राजनीतिक हिंसा भड्किन सक्ने सम्भावित घटनालाई रोकी सामाजिक सद्भाव कायम राख्न सरकारलाई निर्देशन दिएको छ।

कोशी प्रदेशका १० जना नवनियुक्त मन्त्रीहरूले मंगलबार शपथ लिएसँगै मुख्यमन्त्री हिक्मतकुमार कार्की नेतृत्वको मन्त्रिपरिषद् ११ सदस्यीय भएको छ।

नेपालले गत साउनमा एआई सम्बन्धी नीति ल्याएर कार्यान्वयन त थालेको छ, तर बजेट शून्य र जनशक्ति नगण्य छ। लगानी र अन्तर्राष्ट्रिय सहकार्य नहुँदा न एआई प्रवर्द्धन हुन्छ, न बाँकी विश्वसँग पाइला मिल्छ।

इरानमा आर्थिक संकटविरुद्धको प्रदर्शनका क्रममा ३५ जनाको मृत्यु भएको छ भने १,२०० भन्दा बढी पक्राउ परेका छन्। अस्पतालमा सुरक्षा बलले हस्तक्षेप गरेको भिडियो सार्वजनिक भएपछि इरानी नेतृत्वको आलोचना भएको छ।

प्रशासन कार्यालय पर्सामा आयोजित सर्वपक्षीय बैठकले सामाजिक र धार्मिक सद्भाव कायम राख्न अन्य देश वा स्थानमा घटेका घटनालाई लिएर वीरगन्जमा प्रदर्शन नगर्ने, स्थायी सद्भाव संयन्त्र बनाउने लगायतका निर्णय गरेको छ।

मंगलबार नेप्से परिसूचक ९.९३ अंकले बढेर २६४९.३० विन्दुमा पुगेको छ भने सात अर्ब १२ करोड रुपैयाँ बराबरको शेयर कारोबार भएको छ।

स्विट्जरल्यान्ड सरकारले भेनेजुएलाका अपदस्थ राष्ट्रपति निकोलस मादुरोसँग सम्बन्धित स्विस बैंकहरूमा रहेका सम्पत्ति तत्कालका लागि रोक्का गर्ने निर्णय गरेको छ।

भरतपुर महानगरपालिका–१२ स्थित रामबेल सामुदायिक वनको कालिमाटी घोलनजिकै गैँडाको आक्रमणबाट एक जनाको मृत्यु भएको छ।

सर्वोच्चमा रहेका कुल २४ हजार मुद्दाका मिसिलमध्ये गत भदौ २४ गते जेन–जी आन्दोलनका क्रममा भएको आगलागीमा २० हजार मिसिल जलेको थियो।

छलफलका लागि २७ राष्ट्र प्रमुखसहित ३५ देशका प्रतिनिधि पेरिसमा भेला हुने फ्रान्सेली राष्ट्रपति इम्मानुएल म्याक्रोनले जनाएका छन्।

सोमबार तोलाको २ लाख ६५ हजार रुपैयाँ रहेको सुन आज २ लाख ६८ हजार १०० रुपैयाँ पुगेको छ।

नेपालगन्जमा ३३ करोड खर्च गरेर बनाइएको सिटी हल र २९ करोड लागतमा निर्माण गरिएको होल्डिङ सेन्टर प्रयोगमै नआउनुले हाम्रा संरचना र पूर्वाधार कति हचुवामा बनाइन्छन् भन्ने छर्लंग पार्छ।