धनकुटामा एमालेको शुरूआती अग्रता

धनकुटा— प्रतिनिधिसभा सदस्य निर्वाचनअन्तर्गत धनकुटामा नेकपा (एमाले) ले शुरूआती अग्रता लिएको छ।

मुख्य निर्वाचन अधिकृत हरिश्चन्द्र इङ्नामका अनुसार अपराह्न २:०० बजेसम्म १ हजार ४०१ मत गणना गर्दा एमालेका उम्मेदवार राजेन्द्रकुमार राईले ५१४ मत प्राप्त गरेका छन्।

यस्तै, श्रम संस्कृति पार्टीका सानबहादुर राईले ५१०, नेपाली कांग्रेसका दिनेश राईले १८८ र राष्ट्रिय स्वतन्त्र पार्टीका दिनेश भण्डारीले २३ मत प्राप्त गरेका छन्। 

त्यस्तै, चकिया (जाँतो) चिह्नका स्वतन्त्र उम्मेदवार निसान राईले १५ मत प्राप्त गरेका छन्। यहाँ तीन स्वतन्त्र र १४ दलका गरी कुल १७ जना उम्मेदवार चुनावी मैदानमा छन्।