मतगणना अपडेट: ७० स्थानमा रास्वपाको अग्रता

प्रतिनिधिसभा सदस्य निर्वाचनको जारी मतगणनामा राष्ट्रिय स्वतन्त्र पार्टी (रास्वपा) ले ७० निर्वाचन क्षेत्रमा अग्रता कायम राखेको छ।

उकालो

शुक्रबार, २२ फागुन, २०८२

मतगणना अपडेट: ७० स्थानमा रास्वपाको अग्रता

काठमाडौँ— प्रतिनिधिसभा सदस्य निर्वाचनको जारी मतगणनामा राष्ट्रिय स्वतन्त्र पार्टी (रास्वपा) ७० स्थानमा अगाडि रहेको छ।

निर्वाचन आयोगका अनुसार शुक्रबार दिउँसो २ बजेसम्म गणना भइरहेका ९४ निर्वाचन क्षेत्रमध्ये ७० स्थानमा रास्वपाले अग्रता कायम गरेको छ। त्यसैगरी, नेपाली कांग्रेस, नेकपा (एमाले) र नेपाल कम्युनिष्ट पार्टी (माओवादी केन्द्र) ६/६ स्थानमा अगाडि छन्।

यस्तै, राष्ट्रिय प्रजातन्त्र पार्टी, प्रगतिशील लोकतान्त्रिक पार्टी, श्रम संस्कृति पार्टी र स्वतन्त्र उम्मेदवारले एक/एक स्थानमा अग्रता लिएका छन्।

यसैबीच, हालसम्म रास्वपा र नेपाली कांग्रेसबाट एक/एक जना उम्मेदवार विजयी भइसकेका छन्।

काठमाडौँ क्षेत्र नं १ बाट रास्वपाकी रञ्जु दर्शना १५ हजार ४५५ मतसहित र मुस्ताङबाट कांग्रेसका योगेश गौचन थकाली तीन हजार ३०७ मतसहित विजयी भएका छन्।

प्रतिक्रिया दिनुहोस !