आयोगमा एक सय राजनीतिक दलले ९३ वटा चुनाव चिह्नमार्फत समानुपातिक निर्वाचन प्रणालीमा सहभागी हुन दल दर्ता गराएका छन्। दलहरूले सोमबारसम्म आफ्ना उम्मेदवारको बन्दसूची पेश गर्न पाउने व्यवस्था छ।

सभामुख र उपसभामुखको कार्यकाल निर्वाचनको प्रत्यक्षतर्फको उम्मेदवारी मनोनयन गर्ने अघिल्लो दिनसम्म रहने अभ्यास भए तापनि उपसभामुख रानाले सो समयअगावै आइतबार पदबाट राजीनामा दिएकी छन्।

निर्वाचन आयोगले आगामी प्रतिनिधिसभा सदस्य निर्वाचनका लागि ‘निर्वाचन आचारसंहिता, २०८२’ स्वीकृत गरी सार्वजनिक गरेको छ। आचारसंहिता माघ पहिलो सातादेखि लागू गर्ने आयोगको तयारी छ।

बाढीका कारण विगत ६ महिनादेखि अवरुद्ध रसुवागढी नाकामा बेलीब्रिज निर्माण सम्पन्न भएसँगै आइतबारदेखि सवारी आवागमन पुनः सञ्चालन भएको छ।

प्रहरीले ठगीको आरोपमा क्यासिनो वाल्डो डाइनेस्टी इन्टरटेनमेन्टका अध्यक्ष, चिनियाँ नागरिक चेन मिन चिङलाई पक्राउ गरेको छ।

चिसोले जनजीवन प्रभावित भएपछि महोत्तरीका १५ वटै स्थानीय तहले विद्यालयमा बिदा दिने निर्णय गरेका छन्।

पछिल्लो एक वर्षमा पश्चिमी सीमानाका गड्डाचौकी तथा आसपासका क्षेत्रबाट मानव बेचबिखनको जोखिममा परेका २०९ जना महिला तथा बालबालिकालाई उद्धार गरिएको छ।

सर्लाहीको हरिपूर्वा नगरपालिकामा ट्याक्टरको ठक्करबाट एक बालिकाको मृत्यु भएको छ।

पुसभित्रै बाली लगाउन नसके जग्गा ६ महिना बाँझो रहने र माटो रुखो हुने डरले दिनरात नभनी उखु व्यवस्थापनमा जुट्नुपरेको किसान जगन्नाथ महतोको भनाइ छ।

निर्वाचन आयोगले आगामी फागुन २१ गते हुने प्रतिनिधिसभा निर्वाचनका लागि सवा नौ लाख नयाँ मतदाता थपिएको जनाएको छ।

प्रधानमन्त्री सुशीला कार्कीसँगको छलफलमा प्रमुख तीन राजनीतिक दलका शीर्ष नेताहरूले आगामी फागुन २१ गते हुने प्रतिनिधिसभा सदस्य निर्वाचनमा सहभागी हुने प्रतिबद्धता जनाएका छन्।

प्रभु बैंक घोटालामा अनुसन्धान गरिरहेको सीआईबीले हिरासतमा राख्न माग गरे पनि सरकारी वकिलको कार्यालयले ‘बयान सकिएको र स्वास्थ्य कमजोर रहेको’ जिकिर गर्दै सीईओ अशोक शेरचनसहितका आरोपितलाई हाजिरी जमानीमा छाड्ने निर्णय गरेको छ।

'जेनजी आन्दोलन'को मौका छोपी कारागारबाट फरार भएका एक कैदीको भारतमा मृत्यु भएको छ।

निर्वाचन आयोगले प्रतिनिधिसभा सदस्य निर्वाचनका लागि समानुपातिक प्रणालीतर्फका उम्मेदवारको बन्दसूची पेस गर्न राजनीतिक दलहरूलाई आग्रह गरेको छ।

मेयर सुरत केसीका अनुसार भौगोलिक रूपमै साँघुरो शहर बेनीका लागि कडा कानूनी प्रावधानले ल्यान्डफिल साइट पाउनै मुस्किल बनाएको छ। संघ, प्रदेश र यूएनडीपीले समेत रकम सुनिश्चित गर्छन्, तर जग्गा नपाउँदा र खर्च गर्न सक्दा बजेट फिर्ता हुने गरेको छ।

घाइते सबैलाई उपचारका लागि वीरगन्ज पठाइएको छ। विस्फोटको कारण स्पष्ट भएको छैन।

राष्ट्रिय गौरवको आयोजना काठमाडौँ–तराई/मधेश द्रुतमार्गमा ८९ वटा ठूला पुल र ६ वटा सुरुङ निर्माण गर्ने योजना रहेकोमा हाल तीन सुरुङ र पाँच पुल सम्पन्न भइसकेका छन्।

अटोमा चालकसहित तीन जना सवार थिए। दुर्घटनापछि अटोचालक गोपाल मगर फरार छन्।

अपांगता भएका व्यक्तिहरूको संवैधानिक रूपमा सुनिश्चित राजनीतिक प्रतिनिधित्व कमजोर पारिएको उल्लेख गर्दै सर्वोच्च अदालतमा रिट निवेदन दायर गरिएको छ।

अख्तियारले राजस्व चुहावट गरी भ्रष्टाचार गरेको आरोपमा ललितपुरको गोदावरी नगरपालिकाका नगरप्रमुख गजेन्द्र महर्जनविरुद्ध सर्वोच्च अदालतमा पाँच वटा छुट्टाछुट्टै निवेदन दर्ता गराएको छ।