निर्वाचन आयोगका अनुसार एमालेका उम्मेदवार ११, नेकपाका उम्मेदवार १० र कांग्रेसका उम्मेदवार ९ स्थानमा अग्रस्थानमा छन्।

ताप्लेजुङमा जारी मतगणनामा नेपाली कांग्रेसका उम्मेदवार गजेन्द्रप्रसाद तुम्याहाङले अग्रता लिएका छन्।

पछिल्लो मत परिणामअनुसार झापा–१ मा रास्वपाकी निशा डाँगी, झापा–२ मा इन्दिरा राना मगर, झापा–३ मा प्रकाश पाठक, झापा–४ मा शम्भूप्रसाद ढकाल र झापा–५ मा बालेन्द्र शाहको अग्रता कायम छ।

राप्रपाका उम्मेदवार ज्ञानेन्द्रबहादुर शाही निकटतम प्रतिस्पर्धीभन्दा १ हजार ४५८ मतले अगाडि छन्।

हालसम्मको मतगणनाअनुसार प्रतिनिधिसभाका ९४ निर्वाचन क्षेत्रमा रास्वपा अग्रस्थानमा छ।

रुपन्देही–२ मा रास्वपाका सुलभ खरेलले १८,५३९ मतसहित अग्रता कायम राखेका छन् भने एमालेका विष्णुप्रसाद पौडेलले ३,९९६ मत प्राप्त गरेका छन्।

प्रतिनिधिसभा सदस्य निर्वाचनअन्तर्गत चितवन क्षेत्र नं. ३ को मतगणनामा राष्ट्रिय स्वतन्त्र पार्टीकी उम्मेदवार सोविता गौतमले अग्रता कायम राखेकी छन्।

उदयपुर क्षेत्र नं २ मा श्रम संस्कृति पार्टीका बलराज राईले अग्रता लिएका छन् भने नेकपाका उम्मेदवार सुरेश राई उनलाई पछ्याइरहेका छन्।

प्रतिकूल मौसमका कारण संखुवासभा, डोल्पा र गोरखामा मतपत्र ढुवानी हुन नसक्दा ती जिल्लाको मतगणना प्रभावित भएको छ।

निर्वाचन आयोगको पछिल्लो विवरणअनुसार रास्वपा ८१ स्थानमा अग्रस्थानमा छ भने नेकपा एमाले ८ र नेपाली कांग्रेस ६ स्थानमा अगाडि देखिएका छन्।

क्तपुर निर्वाचन क्षेत्र नं. २ मा रास्वपाका राजीव खत्री ८ हजार ५२० मतसहित पहिलो स्थानमा छन्।

प्रतिनिधिसभा सदस्य निर्वाचनअन्तर्गत धनकुटामा एमालेका राजेन्द्रकुमार राई शुरूआती अग्रता लिएका छन् भने श्रम संस्कृति पार्टीका उम्मेदवारले उनलाई पछ्याइरहेका छन्।

सर्लाही निर्वाचन क्षेत्र नम्बर ४ मा रास्वपाका उम्मेदवार डा. अमरेशकुमार सिंहले अग्रता लिएका छन्।

प्रतिनिधिसभा सदस्य निर्वाचनको जारी मतगणनामा राष्ट्रिय स्वतन्त्र पार्टी (रास्वपा) ले ७० निर्वाचन क्षेत्रमा अग्रता कायम राखेको छ।

भक्तपुर-१ मा राष्ट्रिय स्वतन्त्र पार्टीका रुकेश रन्जित नेपाल मजदुर किसान पार्टीका प्रेम सुवालभन्दा ३ हजार बढी मतले अगाडि छन्।

प्रतिनिधिसभा निर्वाचनमा मुस्ताङबाट नेपाली कांग्रेसका उम्मेदवार योगेश गौचन थकाली निर्वाचित भएका छन्।

काठमाडौँ क्षेत्र नम्बर १ बाट राष्ट्रिय स्वतन्त्र पार्टीकी उम्मेदवार रञ्जु न्यौपाने (दर्शना) निर्वाचित भएकी छन्।

मुगुका सबै मतपेटिका निर्वाचन अधिकृतको कार्यालयमा​​​​​​​ ल्याएपछि सर्वदलीय बैठक बसेर मतगणना शुरू हुने  जनाइएको छ।

रामेछापका ९६ मतदानस्थल अन्तर्गत रहेका २ सय ३० मतदान केन्द्रबाट सङ्कलन गरिएका मतपेटिका सदरमुकाम ल्याइएपछि अब मतगणनाको प्रक्रिया शुरू गर्ने तयारी गरिएको छ।

निर्वाचन आयोगको तथ्यांक अनुसार प्रारम्भिक मत गणनामा रास्वपाले काठमाडौँका दशै क्षेत्रमा अग्रता कायम गरेको छ।