सशस्त्र प्रहरी बल र भारतीय एसएसबीबीचको बैठकले फागुन २१ गते हुने प्रतिनिधिसभा निर्वाचनलाई मध्यनजर गर्दै ४८ घण्टाअगावै सीमा नाका बन्द गर्ने निर्णय गरेको छ।

निर्वाचन आयोगले आचारसंहिता उल्लंघन गर्ने ३४ पक्षलाई स्पष्टीकरण सोधेकोमा २४ को जवाफ प्राप्त भएको जनाएको छ।

निर्वाचन आयोगले प्रतिनिधिसभा निर्वाचनका लागि प्रत्यक्षतर्फ ८४ लाख ४० हजार मतपत्र छपाइ सम्पन्न भएको जानकारी दिँदै ३२ जिल्लाको प्याकिङ कार्यसमेत सकिएको जनाएको छ।

केन्द्रीय सुरक्षा समितिको बैठकले एकीकृत निर्वाचन सुरक्षा योजना–२०८२ को समीक्षा गर्दै नेपाल प्रहरीले सञ्चालनमा ल्याएको अत्याधुनिक युनिटलाई थप प्रभावकारी बनाउने निर्णय गरेको छ।

सर्वोच्च अदालतले नागरिक उड्डयन प्राधिकरणका निलम्बित महानिर्देशक प्रदीप अधिकारीलाई पुर्पक्षका लागि थुनामा राख्ने विशेष अदालतको आदेश सदर गरेको छ।

वीरगन्जमा मोटरसाइकल पार्किङको विषयलाई लिएर भएको कुटपिटमा परी एक जनाको मृत्यु भएको छ भने संलग्न एक युवकलाई प्रहरीले नियन्त्रणमा लिएको छ।

राष्ट्रियसभाले विधि विज्ञान प्रयोगशाला विधेयक पारित गर्नुका साथै सामाजिक सञ्जाल विधेयक फिर्ता लिने प्रक्रिया अघि बढाएको छ भने अध्यक्ष दाहालले निकुञ्जसम्बन्धी प्रतिवेदन कार्यान्वयन गर्न सरकारलाई निर्देशन दिएका छन्।

प्रगतिशील लोकतान्त्रिक पार्टीले रुपन्देही–३ का उम्मेदवार गोविन्द काराखेतीलाई साधारण सदस्यसमेत नरहने गरी निष्कासन गरेको छ।

कारागारबाट फरार कैदी र लुटिएका हतियार अझै नियन्त्रणमा नआउँदा आगामी निर्वाचन भयरहित हुनेमा राष्ट्रियसभा सदस्यहरूले आशंका व्यक्त गरेका छन्।

युरोपेली आयोगले टिकटकको सिफारिस प्रणाली र डिजाइनले विशेष गरी बालबालिकामा मानसिक स्वास्थ्यको जोखिम निम्त्याएको ठहर गर्दै डिजिटल सेवा ऐनबमोजिम सुधार गर्न निर्देशन दिएको छ।

यो साता उकालोमा, सुगम लुम्बिनीको दुर्गम नियति: गर्भ बसेपछि मृत्युको भय,  जयबागेश्वरी र हाडीगाउँको ‘रूप बदल्न’ १८ करोड खर्च गरिँदै, गिरीबन्धुको ५१ बिघा जमिन रोक्का भएपछि थपियो ‘चुनावी अजेन्डा’​​​​​​लगायतका खबरले बनाए हेडलाइन।

रुसी सेनाको जनरल स्टाफका उप-प्रमुख भ्लादिमिर अलेक्सेभमाथि मस्कोस्थित आफ्नै निवास बाहिर अज्ञात समूहले गोली प्रहार गरेको छ।

प्रतिनिधिसभा सदस्य निर्वाचनको समानुपातिकतर्फको बन्दसूचीमा २५ देखि ८० वर्षभन्दा माथिका ३ हजार १३५ उम्मेदवारमध्ये प्रौढ उमेरमा पुरुष र युवा उमेरमा महिलाको संख्या बढी देखिएको छ।

यस वर्ष पहिलो प्राथमिकतामा ४२, दोस्रो प्राथमिकतामा ४१ र तेस्रो प्राथमिकतामा ३८ गरी कुल १२१ वटा विधेयक राष्ट्रियसभामा पेस गर्ने भनिएको थियो।

अफनागिस्तानमा पिठो, चामल, खाना पकाउने तेल जस्ता आवश्यक वस्तुको मूल्यमा तीव्र वृद्धि भएको छ। यसले कम आय भएका परिवार समस्यामा परेका छन्।

प्रतिवेदनहरूका अनुसार भुटानको राजधानी थिम्फु नजिकका राबुना र चेमगाङ कारागारमा हाल कम्तीमा ३६ जना राजनीतिक बन्दी रहेका छन्।

कोशीका पहाडी र हिमाली तथा गण्डकीका हिमाली क्षेत्रमा आंशिक बदली रहनेछ। बाँकी भूभागमा मुख्यतया मौसम सफा रहने विभागले जनाएको छ।

बैतडीको पुर्चौँडीमा जन्ती बोकेको बस दुर्घटना हुँदा ८ जनाको घटनास्थलमै मृत्यु भएको छ भने ४५ जना घाइते भएका छन्।

राष्ट्रिय मानवअधिकार आयोगले प्रतिनिधिसभा निर्वाचनका उम्मेदवारबाट हुने अमर्यादित भाषाको प्रयोग र मतदाताको गोपनीयता हनन हुने गरी भइरहेका डिजिटल गतिविधि रोक्न सम्बद्ध पक्षको ध्यानाकर्षण गराएको छ।

आगामी फागुन २१ को निर्वाचनका लागि प्रत्यक्षतर्फका ७२ लाखभन्दा बढी मतपत्र छपाइ सकिएसँगै निर्वाचन आयोगले २५ जिल्लाका लागि सामग्री प्याकिङको काम टुंग्याएको छ।