चितवन-२ बाट निर्वाचित रवि लामिछानेले खानेपानी, सडक निर्माणजस्ता काममा श्रमदान गरेका तस्वीर सामाजिक सञ्जालमा राखिरहँदा कतिपयले जिम्मेवारी भुलेर 'पपुलिस्ट' हुने बाटोमा हिँडेको भन्दै आलोचना गरेका छन्।

सरकारसँग हाल ४२ हजार मेट्रिक टन भन्दा बढी रासायनिक मल मौज्दात कृषि मन्त्रालयले जनाएको छ। त्यस्तै पुषको पहिलो साता जीटुजीमार्फत् ३० हजार मेट्रिक टन मल भारतबाट ल्याइनेसमेत मन्त्रालयले जनाएको छ।

शहरमा फैलिएको ग्यांगस्टरको आतंक कम गर्न भन्दै मध्य अमेरिकी मुलुक एल साल्भाडोरमा सेना परिचालन गरिएको छ।

प्रतियोगिता जुलाई १ देखि १३ सम्म आयोजना हुने साफले जनाएको छ।

उद्योग वाणिज्य महासंघले मौद्रिक नीतिको प्रथम त्रैमासिक समीक्षाले अर्थतन्त्रमा देखिएको विद्यमान समस्या समाधान गर्न नसकेको भन्दै अर्थमन्त्री जनार्दन शर्मालाई समन्वयकारी भूमिका खेल्न आग्रह गरेको छ।

माओवादी केन्द्रका महासचिव देव गुरुङले गठबन्धनको विकल्प नसोचेको बताएका छन्। उनले सरकार निर्माण तथा निर्वाचन समीक्षा भोलि बस्ने गठबन्धनको बैठकले गर्ने बताए।

सर्वोच्च अदालतले साढे चार वर्षअघि फेवातालको मापदण्ड ६५ मिटर कायम गरेर त्यहाँका संरचना ६ महिनाभित्र हटाउन आदेश दिएको थियो। तर, पोखरा महानगरले आदेशविपरीत फेवातालको मापदण्ड नै घटाउने निर्णय गरेको छ।

कांग्रेसको केन्द्रीय अनुशासन समितिले विज्ञप्ति जारी गर्दै चुनावमा अन्तर्घात गर्नेलाई कारबाही गर्न निर्देशन दिएको हो।

आइतबार १ अर्ब ५६ करोड १७ लाख रुपैयाँ बराबरका ३६ लाख ९४ हजार ८४ कित्ता सेयर किनबेच भएको नेपाल स्टक एक्सचेन्जले जनाएको छ।

नेपालका लागि तल्लोक्रमका ब्याटर गुलशन झाले सर्वाधिक २९ रन बनाए। उनले २९ बलमा ३ चौका र १ छक्का प्रहार गरे।

सरकारले आईएमई समूहका चन्द्र ढकालको सिक्लेस अन्नपूर्ण केबलकार निर्माणका लागि स्वीकृति दिइसकेको छ।

विद्युत प्राधिकरणले कैलाली र कञ्चनपुरका उपभोक्ताले भोगिरहेको भोल्टेज समस्या चाँडै समाधान हुने जनाएको छ। त्यस क्षेत्रको विद्युत आपूर्ति सुधार्न पूर्वाधार विकास गरिरहेको प्राधिकरणले जनाएको छ।

दुई दशकअघि बीपी उद्यान बनाउन दिइएको जग्गामा व्यापार चलिरहेकै बेला वीरगन्ज महानगरले समेत सशुल्क पार्किङ बनाउन ठेक्का दिएपछि उच्च अदालतले उद्यान निर्माणबाहेक काममा रोक लगाएको छ।

सन् २०२० मा पनि इरानले त्यहाँको सैन्य बल प्रमुख कासिम सुलेमानीबारे सूचना चुहाएको आरोपमा एक जनालाई मृत्युदण्ड दिएको थियो। केही समयपछि सुलेमानीको अमेरिकी ड्रोन आक्रमणमा परी मृत्यु भएको थियो।

श्रममन्त्री शेरबहादुर कुँवरले देशमै रोजगारी दिन नसकिएको बताएका छन्। उनले सरकार स्वदेशमै रोजगारी दिन प्रतिबद्ध रहेको जिकिर गरे।

पाेल्यान्ड र फ्रान्स अन्तिम पटक सन् १९८२ को विश्वकपमा तेस्रो स्थानका लागि खेलेका थिए। उक्त खेलमा पोल्यान्ड ३-२ ले विजयी भएकाे थियो।

कांग्रेस प्रवक्ता डा. प्रकाशसरण महतका अनुसार आइतबार या सोमबार गठबन्धनकाे बैठक बस्ने छ। 

नयाँ सरकार गठनका बारेमा छलफल गर्न आइतबार दिउँसाे २ बजे माओवादी पदाधिकारी बैठक बस्दैछ।

बैतडीको पञ्चेश्वर गाउँपालिका–४ की माया लुहारको हत्या आरोपमा २२ वर्षीय भरतराम कोली पक्राउ गरेका छन्।

दोलखा प्रदेशसभा क्षेत्र नम्बर २ मा कांग्रेसका बर्मा लामालाई पराजित गर्दै एमालेका भरतबहादुर केसी विजयी भएका छन्।