द्वन्द्वपीडितको विरोधका बीच प्रधानमन्त्रीका तर्फबाट सञ्चार तथा सूचना प्रविधिमन्त्री रेखा शर्माले प्रतिनिधिसभामा संक्रमणकालीन न्याय सम्बन्धी संशोधन विधेयक पेश गरेकी छन्।

नेकपा एमालेका महासचिव शंकर पोखरेलले रासायनिक मलको अनुदान कटौती गर्ने सरकारको निर्णय ‘किसान मारा’ रहेको बताएका छन्।

पार्टी कार्यालय आलोकनगरमा बसेको बैठकले उपाध्यक्षहरू घनेन्द्र बस्नेत, केदार न्यौपाने, धर्मनाथ शाह र केशवलाल श्रेष्ठलाई केन्द्रीय सचिवालय सदस्यमा मनोनीत गरेको छ।  

प्रतिनिधिसभा बैठकको शून्य समयमा बोल्दै उनले किसानले समयमै मल नपाएको, मूल्यवृद्धि, भूमिहीनले जग्गा नपाएको भन्दै सरकारलाई प्रश्न गरेका छन्।

सुनको मूल्य एकैदिन तोलामा दुई हजार ९०० रुपैयाँले बढेको छ।

भूकम्पका कारण दक्षिणी एल ओरा प्रान्त सबैभन्दा बढी प्रभावित छ। अधिकांश सडक अवरुद्ध भएका छन्। घर, शैक्षिक तथा स्वास्थ्य सेवाका भवन क्षतिग्रस्त भएको स्थानीय अधिकारीले जनाएका छन्।

प्रधानमन्त्रीलाई विश्वासको मत दिइसकेपछि मात्रै सरकारमा सहभागी हुने विषयमा निर्णय गर्ने कांग्रेसले जनाएको छ। 

फागुन २५ गते संसद्‌मा दर्ता भएको संक्रमणकालीन न्यायसम्बन्धी संशोधन विधेयकलाई फास्टट्र्याकबाट पारित गर्ने योजना बनाएर सत्तापक्षले गम्भीर अपराधका घटना सामान्यीकरण गर्न खोजेको द्वन्द्वपीडितको गुनासो छ।

चालक तथा यात्रुले ट्राफिक नियम नमान्दा धेरै दुर्घटना हुने गरेका छन्। यसको न्यूनीकरणका लागि छड्के जाँच, जनचेतना फैलाउने, टाइम कार्ड र ‘रिफ्रेस सेन्टर’को व्यवस्था गरिएको ट्राफिक प्रहरीले जनाएको छ।

स्ववियु नेतृत्व चयनका लागि बिहान ८ बजेदेखि शुरू भएको मतदान अपराह्न ४ बजेसम्म जारी रहनेछ।

मुस्ताङ आउने धेरै पर्यटक मुक्तिनाथ र कतिपय कोरला नाकासम्म नै पुगेर फर्कन्छन्। भौगोलिक विविधताले सम्पन्न मुस्ताङ धार्मिक र पदयात्रा रुचाउने पर्यटकको आकर्षक गन्तव्य हो।

प्रधानमन्त्री दाहालविरुद्ध फौजदारी अभियोगको मागसहित मुद्दा दर्ता भएपछि सरकारले टीआरसी विधेयक संसद् सचिवालयमा दर्ता गराएको थियो। १० दलीय गठबन्धनले टीआरसी विधेयकको पक्षमा उभिने निर्णय गरिसकेको छ।

काठमाडौँ उपत्यकामा ६६ हजार ५०० र उपत्यकाबाहिर ९५ हजार ५०० विद्यार्थी निर्वाचनमा सहभागी हुँदै छन्। दुई आंगिक र सयभन्दा बढी सम्बन्धन प्राप्त क्याम्पसमा निर्विरोध भइसकेको छ।

पहाडी र तराईका विभिन्न स्थानमा मेघ गर्जन र चट्याङसहित वर्षा हुने मौसम पूर्वानुमान महाशाखाले जनाएको छ। 

स्ववियु चुनावमा मतदान केन्द्रको सुरक्षार्थ ९०० प्रहरी खटाइएको छ भने 'स्ट्राइकिङ फोर्स', डीआईजीको निर्देशनमा रहेको ब्याक–अप प्रहरी तयार अवस्थामा राखिएको जिल्ला प्रहरी परिसर भक्तपुरले जनाएको छ।

प्रधानमन्त्री दाहालले विश्वासको मत लिँदा एकमतका साथ प्रस्तुत हुने १० दलीय गठबन्धनमा सहमति भएको प्रधानमन्त्रीको सचिवालयले जनाएको छ।

काठमाडौँको जनसंख्या बढ्दै जाँदा २०२३ सालमा सुन्दरीजलबाट बागमतीको पानी ल्याएर वितरण थालिएपछि नदीको बहाव घट्यो। वस्ती बढ्दै जाँदा बागमतीमा पानी नभएर फोहोर मात्र बग्न थालेको धेरै वर्ष भइसकेको छ।

'ए' डिभिजन लिगअन्तर्गत शनिबारको खेलमा आर्मीले फ्रेन्ड्सलाई पराजित गरेको छ भने पुलिस र एनआरटीले बराबरी खे‍ल्दै अंक बाँडेका छन्।

एमाले प्रमुख सचेतक पदम गिरीले सत्य निरूपण तथा मेलमिलाप आयोगसम्बन्धी विधेयकलाई अन्तर्राष्ट्रिय समुदाय र मानवअधिकार आयोगले नियालिरहेकाले हतारिएर पारित गर्न नहुने बताएका छन्।

द्वन्द्वकालीन न्याय निरूपणका सम्बन्धमा बनेको ऐनलाई संशोधन गर्न बनेको विधेयक आइतबार प्रतिनिधिसभामा पेस हुने भएको छ।