शनिबार भएको निर्वाचनमा स्वतन्त्र उम्मेदवार विष्ट ८४१ मत ल्याएर सभापतिमा निर्वाचित भएका हुन्। उनका निकटतम प्रतिस्पर्धी अनेरास्ववियुका सुरेश जीसीले ६७२ मत पाए। 

स्पेनिस ला लिगा फुटबलमा रियल मड्रिड २८ खेलबाट ५९ अंकसहित दोस्रो स्थानमा छ। एक खेल कम खेलेको बार्सिलोना ७१ अंक जोडेर शीर्षस्थानमा छ। 

दिउँसो सुदूरपश्चिम, कर्णाली र गण्डकी प्रदेशमा मेघ गर्जन र चट्याङसहित वर्षा हुने मौसम पूर्वानुमान महाशाखाले जनाएको छ। 

नेपाल भियतनामसँग २–० गोल अन्तरले पराजित हुँदै पेरिस ओलम्पिक–२०२४ को महिला फुटबलअन्तर्गत एशियाली छनोटबाट बाहिरिएको छ।

प्रधानमन्त्री पुष्पकमल दाहालले संक्रमणकालीन न्यायसम्बन्धी विषय छिटोभन्दा छिटो टुंग्याउन मध्यमार्गी विकल्प अपनाइने बताएका छन्।

एमाले अध्यक्ष केपी शर्मा ओली संक्रमणकालीन न्यायसम्बन्धी विधेयकलाई कुनै पनि हालतमा संसदीय समितिमा लैजानुपर्ने बताएका छन्।

शनिबार देशभर ३५७ जना सक्रिय संक्रमित छन्। तीमध्ये ८ जना आईसीयूमा र १५ जना संस्थागत आइसोलेसनमा छन्।

नेवा: संस्कृति काठमाडौँ उपत्यकाको मौलिक संस्कृति हो। यहाँका आदिवासी वा मुख्य बासिन्दा नेवार हुन्। बागमती नदी वरपर रहेका उपत्यका नै नेवारका आदिमस्थल हुन्। काठमाडौँका नेवारहरू कला, साहित्य, गीतसंगीत, खानपान, जात्रालगायतका अनेकौँ पक्षको नेतृत्व सम्हाल्ने साधक पनि हुन्। नेवार समुदायका धेरै मान्छेहरू मूर्तिकला, परम्परागत संगीतकला, चित्रकला, खाद्यकलालगायत सिर्जनात्मक कर्ममा तल्लीन हुन्छन्। त्यसैले त काठमाडौँमा नेवा: संस्कृतिको छुट्टै महत्त्व र पहिचान छ। तस्वीर : न्युज एजेन्सी नेपाल

डा. स्वर्णिम वाग्लेले राजनीतिलाई सङ्ग्लो बनाउँदै लगेपछि सामाजिक, आर्थिक, पर्यावरण, भौतिक पूर्वाधारका क्षेत्रमा चाहेजस्तो प्रगति गर्न सकिने बताएका छन्।

अध्यक्ष ओलीले एमाले मुलुकमा अरू पार्टीभन्दा बढी बलियो, व्यापक र अग्लो रहेको बताएका छन्।

न्यौपानेले एकीकृत समाजवादीले परिचय दिए पनि पहिचान दिन नसकेको आरोप लगाएका छन्।

सञ्चारमन्त्री रेखा शर्माले दूरसञ्चार विधेयकबारे मन्त्रालयले छलफल नै नगरेका विषयहरू मिडियामा आइरहेको भन्दै असन्तुष्टि जनाएकी छन्।

ताप्लेजुङमा आयोजित ‘डोको क्यारी रन’का विजेताले ३० हजार, उपविजेताले २० हजार तथा तृतीयले १० हजार रुपैयाँ प्राप्त गरेका छन्।

वर्तमान प्रणाली र प्रणालीलाई नेतृत्व गरिरहेका नेताहरू कुर्सीका लागि होडबाजी मात्रै गरेका हुन् की भन्ने प्रश्न खडा हुन थालेको सभामुख घिमिरेको भनाइ छ।

ललितपुरको बखुण्डोल हाइटमा निर्माणाधीन समिट अपार्टमेन्टसँगै जोडिएका घरहरू भासिएका छन्।

कोषले बागमतीका २०, कोशी र मधेसका नौ/नौ, गण्डकीका दुई र लुम्बिनी प्रदेशका चार अस्पतालसँग अनलाइन सम्झौता गरेको छ। 

युक्रेन–रुस द्वन्द्व रोक्न चीनको महत्त्वपूर्ण भूमिका रहेको र मस्कोमाथि आफ्नो प्रभावको प्रयोग गर्न फ्रान्सेली राष्ट्रपति म्याक्रोंले चिनियाँसमकक्षी सीलाई आग्रह गरे, तर सीले स्पष्ट प्रतिक्रिया दिएनन्।

ललितपुरको बखुण्डोलमा समिट अपार्टमेन्ट बनाउने क्रममा वरिपरिका घर भासिएपछि स्थानीय मारमा परेका छन्। शुक्रबार राति सो अपार्टमेन्ट वरिपरिका घर भासिएपछि स्थानीयवासीको भागदौडसमेत मच्चिएको थियो। नक्सा पास नै नगरी र आफूहरूसँग अनुमतिसमेत नलिई अपार्टमेन्ट बनाउन शुरू गरेपछि आफूहरूको घरसमेत भासिन पुगेको स्थानीयको आरोप छ। उनीहरूले आफूहरूको बास बस्ने ठाउँ नभएको भन्दै तत्काल आवश्यक व्यवस्था गर्न पनि माग गरेका छन्।

बन्चरेडाँडाको फोहोरको झोल कोल्पुखोलामा मिसाएको भन्दै बिहीबारको संसद्‌ बैठकमा सांसदले मेयर शाहमाथि प्रश्न उठाएका थिए।

इलामको कन्याम आन्तरिक पर्यटकले सबैभन्दा धेरै फोटो खिच्ने र फोटोबाट चिनिने नेपालका प्रमुख ठाउँमध्ये एउटा हो।