चिनियाँ राज्य परिषद्का सदस्य तथा रक्षामन्त्री ली साङ्फु र रुसी नौसेनाका कमान्डर–इन–चीफ निकोले येभमेनोभबीच भेटवार्ता भएको छ।
सोमबार बेइजिङमा भएको भेटवार्तामा उनीहरूबीच क्षेत्रीय शान्ति र स्थिरता कायमका लागि पहल गर्नेबारे छलफल भएको सिन्ह्वाले जनाएको छ।
सो क्रममा रक्षामन्त्री लीले दुई राष्ट्र प्रमुखले चीन र रुस सम्बन्ध तथा विभिन्न क्षेत्रमा सहयोगको खाका तयार गरेको बताएका छन्। दुई सेनाबीचको सम्बन्धलाई थप प्रगाढ बनाउन, नौसेना सञ्चारलाई सुदृढ गर्न र व्यावसायिक क्षेत्रमा सहयोग विस्तार गर्न पनि आह्वान गरेको बताइएको छ।
रुसले चीनसँगको सैन्य सहयोग अभिवृद्धिलाई ठूलो महत्त्व दिएको र दुई देश र सेनाबीचको सम्बन्धलाई नयाँ उचाइमा पुर्याउन चीनसँग निकट समन्वय कायम गर्न इच्छुक रहेको येभमेनोभले बताएका छन्।