मंगलबारे– इलामको माङ्सेबुङ–५ बाह्रलाखे माङमिक्तोक्ला टोलमा आगलागी हुँदा आठ घर जलेर नष्ट भएका छन्।
स्थानीय समिर चेम्जोङको घरबाट शुरू भएको आगलागी मंगलबार बिहान नौ बजेसम्म नियन्त्रणमा आएको छैन । स्थानीय सुमन लावतीका अनुसार घटनाको पूर्ण विवरण आउन सकेको छैन।
गएराति २ बजे आगलागी शुरू भएको थियो। स्थानीय तथा प्रहरीको सहभागितामा आगो निभाउने प्रयास भइरहेको छ।
रातको समय र आगलागी नियन्त्रणमा आइनसकेकाले क्षतिको विवरण आउन बाँकी रहेको र कारणसमेत नखुलेको जिल्ला प्रहरी कार्यालय इलामले जनाएको छ।