मन्त्री महतोलाई राष्ट्रपति रामचन्द्र पौडेल र राज्यमन्त्री कुमारीलाई प्रधानमन्त्री पुष्पकमल दाहाल ‘प्रचण्ड’ले शपथ गराएका छन्।

अल्पसंख्यक र सीमान्तकृत समुदायको मूलप्रवाहीकरण, विकास र समृद्धिका मुद्दालाई सरकारले प्राथमिकतामा राखेको प्रधानमन्त्री दाहालको भनाइ छ।

पटक–पटक सूचना जारी गर्दासमेत अटेर गरेकाले मनोहरी नदी किनार (भक्तपुर र काठमाडौँ दुवैतर्फ)का अतिक्रमित संरचना भत्काउन थालिएको आयाेजनाले जनाएकाे छ।  

राप्ती नदीमा पौडी खेल्ने क्रममा कोहलपुर–२ की २९ वर्षीया शारदा चौधरी र नेपालगन्ज–१२ कोरियनपुरकी २५ वर्षीया सरिता चौधरीको मृत्यु भएको छ।

दिउँसो काठमाडौँमा पनि वर्षाको सम्भावना छ। निम्नचापीय प्रणालीको असरका कारण देशका विभिन्न स्थानमा बिहीबारसम्म नै वर्षा हुने महाखाखाले जनाएको छ।

पछिल्लो समय नेपालको पूर्वी तथा पश्चिमी क्षेत्र केन्द्रबिन्दु भएर भूकम्प जाने क्रम जारी छ। नेपालको हिमाली तथा पहाडी क्षेत्रलाई भूकम्पको जोखिम क्षेत्रका रूपमा लिने गरिन्छ।

युक्रेनको खार्कोभ नजिकै रहेको बेल्गोरोड क्षेत्र पछिल्लो समय युद्धको केन्द्र बनेको छ।

देश विकास हुन नसक्नु र युवा रित्तिँदै जानुको कारण यो काम गरेबापत, मेरो भाग कति? भन्ने मानसिकता हो। पियनदेखि प्रमसम्म सबैको पहिलो प्राथमिकता र चासो नै मैले कति पाउँछु वा के पाउँछु? भन्ने देखिन्छ।

साविक विजेता गुजरातलाई १५ रनले पराजित गर्दै चेन्नई फाइनलमा पुगेको छ। अब चेन्नईले उपाधिका लागि  दोस्रो क्वालिफायरको विजेतासँग खेल्ने छ।

साेमबार प्रहरीले बुझाएको रायसहितको प्रतिवेदन आठ सदस्यीय समितिले अध्ययन गरी अभियोजनपत्र तयार गरिरहेको सरकारी वकिलको कार्यालयले जनाएको छ।

थाइल्यान्डका प्रधानमन्त्री प्रयुत चान–ओचाले घाइतेको उपचार प्रभावकारी बनाउन, क्षतिको विवरण संकलन गर्न र पीडितलाई तत्काल राहत उपलब्ध गराउन निर्देशन दिएका छन्। 

पब्लिकेशन नेपालयबाट प्रकाशित पुस्तकमा ११८ वटा लघुकथा समेटिएका छन्। १५० पृष्ठको पुस्तकको मूल्य ३५५ रुपैयाँ छ।

अवैध बालुवा उत्खननका कारण तराईवासीले वातावरणीय संकटको सामना गरिरहेका छन्। खडेरी, मरुभूमीकरण, बाढी र भू–क्षयजस्ता समस्याले स्थानीयको दैनिकी नै बिथोलिइरहेको छ। उत्खनन स्थलहरू अपराधको केन्द्र बनेका छन्।

सत्तारोहणको दुई महिनामै शक्तिबाट ओर्लेर प्रतिपक्षी बेञ्चमा पुगेको एमालेलाई त्यसयता नेता–कार्यकर्ताको अनुहारमा सेलाउँदो ओज र उत्साह कायमै राखिरहने चुनौती थपिएको शीर्ष नेताहरूका अभिव्यक्तिले देखाउँछन्।

मन्त्रिपरिषद् बैठकले जापानले मानव संसाधन विकास छात्रवृत्तिका प्रदान गर्ने ४१ करोड रुपैयाँ अनुदान सहायता स्वीकार गर्नेसमेत निर्णय गरेको छ।

मुख्यमन्त्री सरोजकुमार यादवले मंगलबार अचानक जनमत र माओवादीले लिएका मन्त्रालय खोसेर दुई मन्त्री र राज्यमन्त्रीलाई बिनाविभागीय बनाएपछि मधेश सरकारका साझेदार दलबीच खटपट शुरू भएको छ।

दुवै खुट्टा गुमाएका हरि बुढामगर सफलतापूर्वक सगरमाथाको आरोहण गरेर काठमाडौँ फर्किएका छन्। उनलाई त्रिभुवन विमानस्थलमा पर्यटनमन्त्री सुदन किराती लगायतले फूलमाला, खादा लगाइदिएर स्वागत गरेका थिए। अफगानिस्तानमा युद्धका क्रममा दुवै खुट्टा गुमाएका ४३ वर्षीय बुढामगरले शनिबार बिहान ३:१० मा सगरमाथा आरोहण गरेका थिए। गत वर्ष पनि सगरमाथा आधारशिविर पुगेका उनलाई शारीरिक अवस्थाका कारण आरोहण गर्न नदिइएपछि त्यसविरुद्ध अदालत गएका थिए। उक्त मुद्दा जितेपछि आरोहण अनुमति पाएका थिए। उनले दुवै खुट्टा नभएका पर्वतारोहीका रूपमा सगरमाथा आरोहण गरेर कीर्तिमान कायम गरेका छन्।

लिगमा ६ खेल बाँकी रहँदा पुछारका २ टोली र माथिल्ला ३ टोलीबीच‍ २ अंकको मात्रै अन्तर भएपछि रेलिगेशन जोन रोमाञ्चक बनेको छ।

नक्कली भुटानी शरणार्थी प्रकरणमा २७ करोड ५० लाख रुपैयाँ ठगी भएको भनी ११३ जनाले २२ वटा जाहेरी प्रहरीमा दर्ता गरेका छन्।

राष्ट्रपति रामचन्द्र पौडेलले जेठ ५ गते संघीय संसद्को संयुक्त बैठकमा सरकारको नीति तथा कार्यक्रम प्रस्तुत गरेका थिए।