काठमाडौँ– प्रधानमन्त्री पुष्पकमल दाहाल ‘प्रचण्ड’ र प्रमुख प्रतिपक्षी दल एमालेका अध्यक्ष केपी शर्मा ओलीबीच भेटवार्ता भएको छ।
शनिबार बिहान सिंहदरबारस्थित प्रधानमन्त्री तथा मन्त्रीपरिषद्को कार्यालयमा प्रधानमन्त्री दाहाल र अध्यक्ष ओलीबीच भेट भएको हो।
भेटमा संक्रमणकालीन न्यायसम्बन्धी (टीआरसी) विधेयकमा सहमति जुटाउनेबारे छलफल भएको प्रधानमन्त्रीको सचिवालयले जनाएको छ। यस्तै, सो क्रममा देशको पछिल्लो समसामयिक राजनीतिका बारेमा पनि छलफल भएको बताइएको छ।
बेपत्ता पारिएका व्यक्तिको छानबिन, सत्य निरूपण तथा मेलमिलाप आयोग ऐन, २०७१ लाई संशोधन गर्न बनेको विधेयक संसद्को कानुन न्याय तथा मानव अधिकार समितिमा छलफलका क्रममा छ।