काठमाडौँ– पूर्वपश्चिम राजमार्गअन्तर्गत झापाको शिवसताक्षी–९ मा सवारी दुर्घटना हुँदा दुई जनाको मृत्यु भएको छ। पाँच जना घाइते भएका छन्।
मंगलबार बिहान पश्चिमबाट पूर्वतर्फ गइरहेको ट्रक र विपरीत दिशाबाट आइरहेको कार ठक्कर खाई दुर्घटना हुँदा कारमा सवार बाबुछोरीको मृत्यु भएको जिल्ला प्रहरी कार्यालय झापाका सूचना अधिकारी डीएसपी खगेन्द्रप्रसाद रिजालले जानकारी दिए।
मृत्यु हुनेमा मोरङ उर्लाबारीका गुरूचरण चौधरी र उनकी छोरी कुमकुम छन्। उनीहरूको उपचारका क्रममा मृत्यु भएको हो।
यस्तै, घाइते हुनेमा मृतक चौधरीका छोरा विकेश, सोहीस्थानका सुजिता चौधरी, रन्जु चौधरी, रिकेश न्यौपाने र मुना शाहको उपचार भइरहेको छ।