काठमाडौँ– इन्डियन प्रिमियर लिग (आईपीएल)मा राजस्थान रोयल्स विजयी भएको छ।
गएराति हिमाचल प्रदेशको धरमशालामा भएको खेलमा पन्जाब किंग्सलाई ४ विकेटले पराजित गर्दै राजस्थान पाँचौँ स्थानमा उक्लिएको छ।
पन्जाबले दिएको १८८ रनको विजयी लक्ष्य राजस्थानले १९.४ ओभरमा ६ विकेट गुमाएर भेट्टायो। राजस्थानका लागि देवदत्त पडिक्कल र यशस्वी जैसवालले अर्धशतकीय इनिङ्स खेले।
पडिक्कलले ३० बलमा ५१ र जैसवालले ३० बलमा ५० रन बनाएका थिए। यस्तै, शिमरोन हेटमारले ४६ रन बनाए।
पन्जाबका कागिसो रवाडाले २ विकेट लिए। साम करन, अर्शदिप सिंह, नाथन एलिस र राहुल चहारका नाममा समान १/१ विकेट रह्यो।
त्यसअघि टस हारेर पहिले ब्याटिङ गरेको पन्जाबले निर्धारित २० ओभरमा ५ विकेट गुमाएर १८७ रन बनाएको थियो।
पन्जाबका साम करन ४९ र शाहरुख खान ४१ रनमा नटआउट रहे। जितेश शर्माले ४४ रनको योगदान दिए पनि टिमलाई जिताउन सकेनन्।
राजस्थानका नवदीप सैनीले तीन विकेट लिए। ट्रेन्ट बोल्ट र एडम जाम्पाले समान १/१ विकेट लिए।
जितसँगै राजस्थानले ७ जित र ७ हारसहित १४ अंक जोडेको छ। १२ अंक रहेको पन्जाब आठौँ स्थानमा छ।