काठमाडौँ– एसीसी प्रिमियर लिगअन्तर्गत ओमानविरुद्धको खेलमा कुशल मल्लले अर्धशतक प्रहार गरेका छन्।
कीर्तिपुरस्थित त्रिवि क्रिकेट मैदानमा जारी खेलमा ३१ बलमा अर्धशतक पूरा गरेका हुन्। उनले ३१ बलमा ६ चौका र ४ छक्का प्रहार गरे।
उनको यो ओडीआईमा पाचौँ अर्धशतक हो। अन्तर्राष्ट्रिय क्रिकेट परिषद् (आईसीसी)ले नेपाल र ओमान दुवै राष्ट्र एकदिवसीय मान्यता प्राप्त देश भएकाका कारण यो खेललाई ओडीआई मान्यता दिएको छ।
उनले सन् २०२० फ्रेबुअरी ८ मा कीर्तिपुरमै भएको अमेरिकाविरुद्धको खेलमार्फत् राष्ट्रिय टोलीमा डेब्यू गरेका थिए।
डेब्यू खेलमा उनले ५१ बलमा ४ चौका र ३ छक्का प्रहार गर्दै ५० रनको अर्धशतकीय इनिङ्स खेलेका थिए।
त्यसयता उनले नेपाली टोलीबाट २१ ओडीआई खेल खेलिसकेका छन्।