काठमाडौँ– निर्वाचन आयोगले प्रतिनिधिसभा सदस्य निर्वाचनको नतिजाको प्रतिवेदन राष्ट्रपति विद्यादेवी भण्डारीलाई बुझाउँदै छ।
प्रतिनिधिसभाको परिणामको प्रतिवेदन राष्ट्रपति र प्रदेशसभाको प्रदेश प्रमुखसमक्ष पठाउनुपर्ने प्रावधान छ। निर्वाचनको सबै परिणाम घोषणा भइसकेकाले बिहीबार राष्ट्रपतिलाई प्रतिनिधिसभा सदस्यतर्फको प्रतिवेदन बुझाउन लागिएको आयोगले जनाएको छ।
प्रदेशसभाको प्रतिवेदन भने पुस २ मा सम्बन्धित प्रदेश प्रमुखलाई बुझाउने तयारी रहेको आयोगले जनाएको छ। मंसिर ४ मा भएको निर्वाचनबाट २७५ जना प्रतिनिधिसभा तथा ५५० प्रदेशसभा सदस्य गरी ८२५ जना जनप्रतिनिधि निर्वाचित भएका छन्।