काठमाडौँ– हाल देशमा मनसुनी वायुको प्रभाव रहेको छ।
हाल कोशी, मधेश, बागमती र सुदूरपश्चिममा आंशिक देखी सामान्य बदली रही देशका बाँकी भूभागमा आंशिक बदली रहेको मौसम पूर्वानुमान महाशाखाले जनाएको छ।
साथै, मधेशबाहेक अन्य सबै प्रदेशका थोरै स्थानहरूमा हल्का वर्षा भइरहेको छ। दिउँसो देशभर आंशिकदेखि सामान्य बदली रहनेछ। कोशी र बागमती प्रदेशका एकदुई स्थानमा मेघगर्जन र चट्याङसहित भारी वर्षा हुने महाशाखाले जनाएको छ।
यस्तै, मधेश र कोशीका तराई भूभागमा हावाहुरीसमेत चल्ने सम्भावना छ। राति मधेश र लुम्बिनीमा आंशिकदेखि सामान्य बदली हुनेछ।
बागमती र गण्डकी प्रदेशका एकदुई स्थानमा मेघगर्जन र चट्याङसहित भारी वर्षा हुने महाशाखाले जनाएको छ।