काठमाडौँ– नेपाल क्रिकेट संघ (क्यान)ले एसीसी एशिया कपका लागि टोलीको घोषणा गरेको छ। क्यानले अगस्ट ३० देखि सेप्टेम्बर १७ (१३ भदौ ३१) सम्म पाकिस्तान र श्रीलंकामा हुने प्रतियोगिताका लागि सोमबार रोहितकुमार पौडेलको कप्तानीमा १७ सदस्यीय टोली घोषणा गरेको हो।
टोलीमा किशोर महतो, श्याम ढकाल (मौसम), सन्दीप जोरा र अर्जुन साउदले स्थान बनाएका छन्।
पहिलो पटक एशिया कप खेल्न लागेको नेपाल समूह ‘ए’ मा रहेको छ। नेपाल रहेको समूहमा टेस्ट राष्ट्र भारत र पाकिस्तान रहेका छन्।
नेपालले पहिलो खेल १३ भदौमा आयोजक पाकिस्तानसँग खेल्ने छ। नेपाल र पाकिस्तानबीचको खेल मुल्तानमा हुनेछ।
नेपाल समूह चरणको दोस्रो तथा अन्तिम खेल खेल्न १८ भदौमा खेल्नेछ। यो खेल श्रीलंकाको क्यान्डीमा हुने छ।
