काठमाडौँ– ओपनर विराट कोहलीको शतकमा रोयल च्यालेन्जर्स बेंगलोरले इन्डियन प्रिमियर लिग (आईपीएल)मा सनराइजर्स हैदराबादलाई पराजित गरेको छ।
गएराति भएको खेलमा घरेलु टोली हैदराबाद ८ विकेटले पराजित भएको हो। १८७ रनको विजयी लक्ष्य बेंगलोरले १९.२ ओभरमा २ विकेट गुमाउँदै पूरा गर्यो।
बेंगलोरका विराट कोहलीले १०० रनको शतकीय इनिङ्स खेले। उनले ६३ बलमा १२ चौका र ४ छक्का प्रहार गरे। अर्का ओपनर तथा कप्तान फाफ डू प्लेसिसले ४७ बलमा ७ चौका र २ छक्कासहित ७१ रनको योगदान दिए।
हैदराबादका टी नटराजन र भुवनेश्वर कुमारले १/१ विकेट लिए।
त्यसअघि टस हारेर पहिले ब्याटिङ गरेको हैदराबादले २० ओभरमा ५ विकेट गुमाउँदै १८६ रन बनाएको थियो।
हैदराबादका हेनरिक क्लासेनले सर्वाधिक १०४ रन बनाए पनि जितका लागि पर्याप्त भएन। उनले ५१ बलमा ८ चौका र ६ छक्का प्रहार गरेका थिए। ह्यारी ब्रुक २७ रनमा नटआउट रहे। कप्तान एडेन माक्ररम १८ रनमा आउट भए।
बेंगलोरका माइकल ब्रेसवेलले २, मोहम्मद शिराज, हर्षल पटेल र शहबाज अहमदका नाममा समान १/१ विकेट रह्यो।
जितसँगै बेंगलोरले शीर्ष चारमा रहँदै प्लेअफ खेल्ने सम्भावना उच्च बनाएको छ। बेंगलोर ७ जित र ६ हारसहित १४ अंकका साथ चौथो स्थानमा उक्लिएको छ।
प्लेअफको दौडबाट बाहिरिसकेको हैदराबाद ४ जित र ९ हारसहित तालिकाको पुछारमा छ।