काठमाडौँ– राष्ट्रिय स्वतन्त्र पार्टी (रास्वपा)को संसदीय दलका नेतामा पुनः रवि लामिछाने चयन भएका छन्। सोमबार दिउँसो बसेको संसदीय दलको बैठकले पार्टी सभापतिसमेत रहेका लामिछानेलाई दलको नेता चयन गरेको हो ।
त्यसअघि बसेको केन्द्रीय समिति बैठकले लामिछानेलाई दलको नेता बनाउन प्रस्ताव गरेको थियो। त्यसअनुसार नै सर्वसम्मत रूपमा सभापति लामिछानेलाई दलको नेता चयन गरिएको पार्टी उपसभापति डीपी अर्यालले उकालोलाई जानकारी दिए ।
नागरिकता मुद्दामा सर्वोच्च अदालतको आदेशपछि सांसदसहित रास्वपा संसदीय दलको नेताबाट पदमुक्त भएपछि अर्याल दलको नेता भएका थिए। १० वैशाखको उपचुनावमा लामिछाने चितवन क्षेत्र नम्बर २ बाट निर्वाचित भएपछि अर्यालले संसदीय दलको नेताबाट राजीनामा दिएका थिए।