काठमाडौँ– हाल नेपालमा कुनै उल्लेखनीय मौसमी प्रणाली नरहेको मौसम पूर्वानुमान महाशाखाले जनाएको छ।
पहाडी भूभागमा आंशिक बदली रही तराईका अधिकांश स्थानमा हुस्सु र कुहिरो लागेको छ। तराईमा बिहानैदेखि बाक्लो हुस्सु र कुहिरो लागेको महाशाखाको भनाइ छ। दिउँसो प्रदेश १ र गण्डकीमा आंशिक बदली रही बाँकी भागको मौसम सफा रहनेछ।
तर, तराईमा बिहान र बेलुकीपख हुस्सु र कुहिरोले दैनिक जनजीवन, सडक तथा हवाई यातायातमा प्रभाव पर्नसक्ने भएकाले सतर्कता अपनाउन महाशाखाले अनुरोध गरेको छ। देशका कुनै पनि स्थानमा वर्षा र हिमपातको सम्भावना छैन।
जसका कारण देशभरकै तापक्रम क्रमशः बढ्दै गएको महाशाखाले जनाएको छ।