काठमाडौँ– राजस्थान रोयल्स इन्डियन प्रिमियर लिग (आईपीएल)को क्वालिफायरमा पुगेको छ। तेस्रो हुँदै प्लेअफमा पुगेको राजस्थानले रोयल च्यालेन्जर्स बेंगलुरलाई पराजित गर्दै क्वालिफायरमा पुगेको हो ।
बुधबार राति भएको इलिमिनेटर खेलमा बेंगलुरुलाई ४ विकेटले पराजित गर्दै राजस्थानले दोस्रो क्वालिफायरमा सनराइज हैदराबादसँगको भेट पक्का गरेको हो। पराजित भएसँगै बैंगलुरु बाहिरिएको छ।
नरेन्द्र मोदी स्टेडियममा जितका लागि पाएको १७३ रनको लक्ष्य राजस्थानले १९ ओभरमा ६ विकेट गुमाएर पूरा गर्यो। राजस्थानका यशस्वी जैसवालले ४० रन बनाए। रियान परागले ३६ तथा सिमरन हेटमायरले २६ रनको योगदान दिए।
बैंगलुरुका मोहम्मद सिराजले २ तथा लोकि फर्गुसन, कर्न शर्मा र क्यामरन ग्रीनले समान १-१ विकेट लिए।
त्यसअघि टस हारेर ब्याटिङ गरेको बैंगलुरुले निर्धारित २० ओभरमा ८ विकेट गुमाउँदै १७२ रन बनाएको थियो। बैंगलुरुका रजत पतिदरले ३४, विराट कोहलीले ३३, महिपाल लोम्रोरले ३२ र क्यामरन ग्रीनले २७ रनको योगदान दिए।
राजस्थानका आवेश खानले ३, रविचन्द्रण आश्विनले २ तथा ट्रेन्ट बोल्ट, सन्दीप शर्मा र युजभेन्द्र चहलले १-१ विकेट लिए।
राजस्थानले अब फाइनल प्रवेशका लागि शुक्रबार सनराइजर्स हैदराबादसँग खेल्नेछ।