काठमाडौँ– नेपालमा मनसुनी वायुका साथै बंगालको खाडीको उत्तरपश्चिम र आसपास रहेको न्यूनचापीय क्षेत्रको आंशिक प्रभाव रहेको छ।
मनसुनको न्यूनचापीय रेखा सरदर स्थानको दक्षिणतिर अवस्थित रहेको मौसम पूर्वानुमान महाशाखाले जनाएको छ।
जसका कारण कोशी , बागमती, गण्डकी, लुम्बिनी, कर्णाली र सुदूरपश्चिममा हल्का वर्षा भइरहेको छ। दिउँसो देशभर आंशिकदेखी सामान्य बदली रहनेछ।
महाशाखाका अनुसार लुम्बिनी, कर्णाली र सुदूरपश्चिमका पहाडी भूभागका केही स्थानमा मेघगर्जन र चट्याङसहित हल्कादेखि मध्यम वर्षा हुनेछ।
कोशी, गण्डकी र सुदूरपश्चिममा मेघगर्जन र चट्याङसहित भारी वर्षा हुनेछ। यसैबीच, राति देशभर आंशिकदेखि सामान्य बदली रहनेछ।
कोशी, बागमती र लुम्बिनीका पहाडी भूभागमा भारी वर्षाको समेत सम्भावना रहेको महाशाखाको भनाइ छ।