काठमाडौँ– ओखलढुंगाको चम्पादेवी गाउँपालिका–८ विलन्दुमा पहिरोमा परी चार जनाको मृत्यु भएको छ।
गएराति अविरल वर्षापछिको पहिरोले ७ घर बगाउँदा चार जनाको मृत्यु भएको वडाध्यक्ष खड्गप्रसाद बरालले उकालोलाई जानकारी दिए।
गुरुङ समुदायको बसोबास रहेको उक्त गाउँमा पहिरोमा परी रणबहादुर गुरुङ र उनकी श्रीमती शिवमाया, छोरी कृतिका र छोरा दिनेश गुरुङको मृत्यु भएको बरालले बताए।
अरू स्थानीय भने भागेर बाँच्न सफल भएको उनको भनाइ छ।