काठमाडौँ– इन्डियन प्रिमियर लिग (आईपीएल)मा राजस्थान रोयल्सले कोलकत्ता नाइट राइडर्समाथि सानदार जित हात पारेको हात पारेको छ।
ओपनर यशस्वी जैशवालको आक्रामक ब्याटिङमा राजस्थान ९ विकेटले विजयी भएको हो। गएराति इडेन गार्डेनमा घरेलु टोली कोलकत्ताले प्रस्तुत गरेको १५० रनको लक्ष्य राजस्थानले १४ औँ ओभरमा १ विकेट गुमाएर पूरा गर्यो।
जैशवालले आक्रामक ब्याटिङ गर्दै राजस्थानलाई सहज जित दिलाए। जैशवाल ९८ रनमा नटआउट रहे। उनले ४७ बलमा १२ चौका र ५ छक्का प्रहार गरेका थिए।
शतक बनाउन २ रनले चुकेका जैशवालले १३ बलमा नै अर्धशतक पूरा गरेका थिए। कप्तान सन्जु स्यामसन ४८ रनमा नटआउट रहे। उनले २९ बलमा २ चौका र ५ ५क्का प्रहार गरे।
त्यसअघि पहिले ब्याटिङ गरेको कोलकत्ताले २० ओभरमा ८ विकेट गुमाउँदै १४९ रन बनाएको थियो।
कोलकत्ताका वेंकटेश ऐरले सर्वाधिक ५७ रन जोडे। कप्तान नितिश रानाले २२ रन बनाए। राजस्थानका स्पिनर युजवेन्द्र चहलले ४ विकेट लिए। ट्रेन्ट बोल्टले २, सन्दीप शर्मा र केएम आशिफले समान १/१ विकेट लिए।
यस जितसँगै राजस्थान १२ अंकका साथ तेस्रो स्थानमा उक्लिएको छ। सातौँ स्थानमा रहेको कोलकाताको १० अंक छ।