काठमाडौँ– हाल देशमा पश्चिमी वायुको सामान्य प्रभाव रहेको छ।
जसका कारण पहाडी भूभागमा आंशिक बदली रहेको मौसम पूर्वानुमान महाशाखाले जनाएको छ। दिउँसो देशका पहाडी भूभागमा मेघ गर्जन र चट्याङसहित क्षणिक वर्षा हुने अनुमान छ।
उच्च पहाडी तथा हिमाली भागमा हल्का हिमपातको सम्भावना रहेको महाशाखाले जनाएको छ। यस्तै राति गण्डकी, लुम्बिनी र कर्णाली प्रदेशमा आंशिक बदली हुनेछ।
कोशी र गण्डकी प्रदेशका उच्च पहाडी तथा हिमाली भागमा हिमपातको सम्भावना छ।
चट्याङसहित वर्षा र हिमपात हुने भएकाले सतर्कता अपनाउन महाशाखाले अनुरोधसमेत गरेको छ।