काठमाडौँ– देशमा केही दिनदेखि पश्चिमी वायुको सामान्य प्रभाव रहेको छ।
जसले गर्दा पहाडी भागमा आंशिक बदली रही बाँकी स्थानको मौसम सामान्यतया सफा रहेको छ। दिउँसो कोशी र गण्डकी प्रदेशका पहाडी भागको मौसम आंशिकदेखि सामान्य बदली रहने मौसम पूर्वानुमान महाशाखाले जनाएको छ।
यी प्रदेशमा बेलुकीपख मेघ गर्जन र चट्याङसहित वर्षाको सम्भावना छ। यस्तै देशका उच्च पहाडी तथा हिमाली भागमा हल्का हिमपात हुने महाशाखाले जनाएको छ। कोशी र गण्डकी प्रदेशको मौसममा राति पनि सुधार आउने सम्भावना छैन।
राति यहाँको मौसम आंशिक बदली रही केही स्थानमा हिमपातको हुने महाशाखाको अनुमान छ।