उपाधिका लागि आज नेपालले हङकङसँग प्रतिस्पर्धा गर्दै

काठमाडौँ– एसियन गेम्स पुरुष क्रिकेट छनोट प्रतियोगिताको उपाधिका लागि नेपालले आज हङकङसँग प्रतिस्पर्धा गर्दैछ। सिंगापुरमा हुने फाइनल खेल नेपाली समयअनुसार दिउँसो १२:१५ बजे शुरू हुनेछ।

प्रतियोगितामा उत्कृष्ट प्रदर्शन गर्दै दुवै टोली फाइनल पुगेका हुन्। नेपालले समूह चरणमा चीन र मलेसियालाई फराकिलो अन्तरले पराजित गर्दै प्रतियोगिताको बलियो शुरूआत गरेको थियो। त्यसपछि सेमिफाइनलमा ओमानलाई हराउँदै नेपाल फाइनलमा पुगेको हो । 

हङकङ पनि अपराजित यात्रासहित फाइनलमा पुगेको हो।