तस्वीरहरू: फोटो लाइब्रेरी
लुम्बिनी– शीतलहरले तराईको जनजीवन प्रभावित बनेको छ।
पश्चिम नवलपरासी, रुपन्देही र कपिलवस्तुमा अत्यधिक जाडो बढेको छ। बाक्लो हुस्सुले स्थानीयलाई घरबाहिर निस्कन समस्या भएको छ। चिसोले सबैभन्दा धेरै बालबालिका र वृद्धवृद्धा प्रभावित भएका छन्।
ज्याला मजदुरी गरेर जीविकोपार्जन गर्ने विपन्न परिवार काम गर्न नसकेर समस्यामा छन्। घररचोकमा आगो र हिटर बालेर बस्नेहरू बढेका छन्।
जाडो बढेपछि तौलिहवा, पिपरा, बहादुरगन्जलगायत अस्पतालमा श्वासप्रश्वास र दमका रोगीको उपचार गराउनेको संख्या बढेको छ।