अमेरिकाको ह्वाइट हाउस नजिकै गोली चल्दा १ जनाको मृत्यु

अमेरिकाको वासिङ्टनस्थित ह्वाइट हाउस नजिकै शनिबार भएको गोलीबारीमा एक जना घाइते भएका छन् भने संदिग्धको मृत्यु भएको छ।

बीबीसीले जनाएअनुसार घटनाको समयमा अमेरिकी राष्ट्रपति डोनाल्ड ट्रम्प ह्वाइट हाउसभित्र थिए। ह्वाइट हाउसभित्र रहेका धेरै पत्रकारहरूले साँझ ६ बजेतिर गोली चलेको आवाज सुनेका अमेरिकी सञ्चार माध्यमले रिपोर्ट गरेका छन्।

गोप्य सेवाको विज्ञप्ति अनुसार, १७औं स्ट्रिट र पेन्सिलभेनिया एभिन्यू नजिकै एक व्यक्तिले आफ्नो झोलाबाट हतियार निकालेर गोली चलाएको थियो।

गुप्त सेवाका अधिकारीहरूले जवाफी गोलीबारी गर्ने क्रममा संदिग्ध घाइते भएका थिए। उनलाई अस्पताल लगिएकोमा त्यहाँ डाक्टरले मृत घोषित गरे। दोहोरो गोलीबारीमा एक जना यात्रु पनि घाइते भए भने अधिकारीहरूलाई कुनै चोटपटक लागेन। घटनाको समयमा राष्ट्रपति ह्वाइट हाउसमा उपस्थित थिए, तर उनको सुरक्षा वा काममा कुनै असर परेन। 

स्रोतहरूले सीबीएस न्यूजलाई बताएअनुसार १५ देखि ३० वटा गोली चलाइएको थियो। यस्तो देखिन्थ्यो कि एक जना मानिसले गोप्य सेवाका एजेन्टहरूकहाँ पुगेर उनीहरूमाथि गोली चलाएको थियो तर सफल भएन। त्यसपछि एजेन्टहरूले पनि जवाफी फायरिङ गरे।

एफबीआई निर्देशक काश पटेलले गोप्य सेवाले घटनाको अनुसन्धान गरिरहेको बताए। राष्ट्रपति ट्रम्पले घटनाबारे अहिलेसम्म कुनै टिप्पणी गरेका छैनन्।

एक महिनाअघि, ह्वाइट हाउस संवाददाताहरूको डिनरमा पनि गोलीबारी भएको थियो, र संदिग्ध आक्रमणकारीलाई पनि पक्राउ गरिएको थियो।