रवि लामिछानेको मुद्दा फिर्ताविरुद्धको रिट आज पनि ‘हेर्दाहेर्दै’मा, बिहीबार सुनुवाइ हुने

सर्वोच्च अदालतले रवि लामिछानेविरुद्धका मुद्दा फिर्ता लिने निर्णयविरुद्धको रिटमाथि सुनुवाइ नसकिएपछि ‘हेर्दाहेर्दै’मा राखेर बिहीबारका लागि पेसी तोकेको छ।

उकालो

मंगलबार, ३ चैत, २०८२

रवि लामिछानेको मुद्दा फिर्ताविरुद्धको रिट आज पनि ‘हेर्दाहेर्दै’मा, बिहीबार सुनुवाइ हुने

काठमाडौँ– सर्वोच्च अदालतले राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्धको सम्पत्ति शुद्धीकरण र संगठित अपराधसम्बन्धी मुद्दा फिर्ता गर्ने निर्णयविरुद्धको रिट निवेदन आज हेर्न नभ्याएपछि ‘हेर्दाहेर्दै’मा राखी बिहीबार सुनुवाइ गर्ने भएको छ।

न्यायाधीशद्वय सारङ्गा सुवेदी र सुनिलकुमार पोखरेलको संयुक्त इजलासमा आइतबारदेखि सुनुवाइ शुरू भएको थियो। आज पनि सुनुवाइ नसकिएकाले हेर्दाहेर्दैमा राखिएकाले अब चैत ५ गते सुनुवाइ हुने सर्वोच्च अदालतका प्रवक्ता अर्जुनप्रसाद कोइरालाले जानकारी दिए।

यसअघि, सर्वोच्च अदालतका न्यायाधीशद्वय सपना प्रधान मल्ल र श्रीकान्त पौडेलको संयुक्त इजलासले उक्त निवेदनलाई नियमित सुनुवाइ गर्न यही चैत १ गतेका लागि पेस गर्न आदेश दिएको थियो।

महान्यायाधिवक्ता सविता भण्डारी बरालले लामिछानेविरुद्ध अघिल्लो सरकारको पालामा लगाइएका सम्पत्ति शुद्धीकरण र सङ्गठित अपराधका मुद्दा फिर्ता गर्ने निर्णय गरेकी थिइन्। उक्त निर्णयविरुद्ध युवराज पौडेल, वरिष्ठ अधिवक्ता दिनेश त्रिपाठी र अधिवक्ता आभास रेग्मीले सर्वोच्च अदालतमा छुट्टाछुट्टै रिट निवेदन दायर गरेका थिए।

प्रतिक्रिया दिनुहोस !