काठमाडौँका विभिन्न स्थानमा आज विद्युत् आपूर्ति बन्द हुने

काठमाडौँ- नेपाल विद्युत् प्राधिकरणले काठमाडौँका विभिन्न स्थानमा आज केही समय विद्युत् आपूर्ति बन्द हुने जनाएको छ।

प्राधिकरणले शनिबार सूचना जारी गर्दै जीर्ण पोल र लाइन व्यवस्थापनका लागि काठमाडौँका केही क्षेत्रमा विद्युत् सेवा अस्थायी रूपमा बन्द हुने जानकारी दिएको हो।

प्राधिकरणको सूचनाअनुसार पेप्सीकोला टाउन प्लानिङ क्षेत्रमा बिहान ११ बजेदेखि १:३० बजेसम्म विद्युत् आपूर्ति बन्द हुनेछ। उक्त क्षेत्रमा रहेको ११ केभी लाइन मर्मत कार्य गर्न लागिएको प्राधिकरणले जनाएको छ।

यस्तै, मध्य बानेश्वर, पुरानो बानेश्वर र बत्तीसपुतली क्षेत्रमा भने दिउँसो २ बजेदेखि ४ बजेसम्म विद्युत् सेवा अवरुद्ध हुने बताइएको छ। यी क्षेत्रमा पनि ११ केभी लाइन मर्मत कार्य गरिने प्राधिकरणले जनाएको छ।