साउदी अरबको रियादस्थित अमेरिकी दूतावासमा ड्रोन आक्रमण

काठमाडौँ-साउदी अरबको राजधानी रियादस्थित अमेरिकी दूतावासमा दुईवटा ड्रोन प्रहार भएको छ। समाचार एजेन्सी रोयटर्सका अनुसार आक्रमणबाट आगलागी र केही भौतिक क्षति भएको बताइएको छ।

दूतावास क्षेत्रमा ठूलो विस्फोटको आवाज सुनिएको र कालो धुवाँ उठेको प्रत्यक्षदर्शीहरूले बताएका छन्। आक्रमणपछि अमेरिकी दूतावासले साउदी अरबमा रहेका आफ्ना नागरिकलाई सुरक्षित स्थानमै बस्न आग्रह गरेको छ।

अमेरिका र इजरायलले शनिबार इरानमाथि गरेको सैन्य कारबाहीपछि इरानले खाडी क्षेत्रका अमेरिकी सैन्य अड्डाहरूलाई लक्षित गर्दै  मिसाइल तथा ड्रोन आक्रमण गरिरहेको छ।