यस्तो रहनेछ मंगलबारको मौसम

काठमाडौँ– नेपालमा पश्चिमी वायुको आंशिक प्रभाव रहेको छ। कर्णालीसहित देशका उच्च पहाडी र हिमाली भूभागमा आंशिक बादल लागेको छ। बाँकी भूभागमा मौसम मुख्यतया सफा रहेको जल तथा मौसम विज्ञान विभागले जनाएको छ।

तराईका केही स्थानमा बिहानको समयमा हुस्सु रहनेछ। कोशी, बागमती र गण्डकीका पहाडी र हिमाली भूभागमा साधरणतया बादल लाग्नेछ। कोशी, बागमती र गण्डकीका पहाडी र हिमाली भूभागमा हल्का वर्षासहित हिमपातको सम्भावना छ।  

राति तराईमा तुवाँलो रहनेछ। कोशी र गण्डकीका उच्च पहाडी र  हिमाली भूभागका एक-दुई स्थानमा हल्का वर्षाको सम्भावना रहेको विभागले जनाएको छ।