यस्तो रहनेछ शनिबारको मौसम

काठमाडौँ– नेपालमा पश्चिमी वायुको आंशिक प्रभाव रहेको छ। कोशी र गण्डकी प्रदेशलगायत बाँकी हिमाली भूभागमा आंशिक बादल लागेको छ। तराईका धेरै स्थानमा हुस्सु लागेको जल तथा मौसम विज्ञान विभागले जनाएको छ।

दिउँसो कोशी, बागमती र गण्डकीका हिमाली भूभागमा साधरणतया बादल लाग्नेछ। बाँकी भूभागमा मौसम मुख्यतया सफा रहनेछ। कोशी, बागमती, गण्डकी र कर्णालीका उच्च पहाडी र हिमाली भूभागमा हल्का वर्षासहित हिमपातको सम्भावना छ।  

राति पनि तराईका थोरै स्थानमा तुवाँलो रहनेछ। कोशी, बागमती र गण्डकीको हिमाली भूभागमा आंशिक बादल लाग्ने विभागले जनाएको छ।