यस्तो रहनेछ मंगलबारको मौसम

काठमाडौँ– नेपालमा पश्चिमी वायुको सामान्य प्रभाव रहेको छ। कोशी, गण्डकी र कर्णालीका उच्च पहाडी र हिमाली भूभागमा आंशिक बादल लागेको छ। बाँकी भागमा मौसम सफा रहेको जल तथा मौसम विज्ञान विभागले जनाएको छ।

तराई भूभागका केही स्थानमा मध्याह्नसम्म कुहिरो लाग्नेछ। उच्च पहाडी र हिमाली भूभागमा दिउँसो पनि आंशिक बादल लाग्ने र बाँकी भूभागमा मौसम सफा रहनेछ। कोशी, गण्डकी र कर्णालीका उच्च पहाडी र हिमाली भागका एक–दुई स्थानमा हल्का वर्षा र हिमपातको सम्भावना छ।

त्यसैगरी, राति तराई भागका केही स्थानमा तुवाँलो लाग्नेछ। कर्णाली, सुदूरपश्चिम र गण्डकीका पहाडी तथा हिमाली भागमा आंशिक बादल लाग्नेछ। 

गण्डकीका उच्च पहाडी र हिमाली भागका एक–दुई स्थानमा हल्का वर्षासहित हिमपातसमेत हुने विभागले जनाएको छ।