मध्यान्नसम्म तराईका केही स्थानमा हुस्सु र कुहिरो लाग्ने

काठमाडौँ– नेपालमा पश्चिमी वायुको सामान्य प्रभाव रहेको छ। देशभर आंशिक बादल लागेको जल तथा मौसम विज्ञान विभागले जनाएको छ। 

तराईका केही स्थानमा मध्यान्नसम्म हुस्सु र कुहिरो रहनेछ। कोशी, बागमती, गण्डकी र कर्णालीको उच्च पहाडी र हिमाली भूभागमा साधरणतया बादल लाग्नेछ।  

दिउँसो तराईमा मुख्यतया सफा रहनेछ। कोशी, बागमती र गण्डकीको उच्च पहाडी र हिमाली भूभागका एक–दुई स्थानमा हल्का वर्षासहित हिमपातको सम्भावना छ।

राति तराईका थोरै स्थानमा तुवाँलो रहनेछ। कोशी, गण्डकी र कर्णालीका उच्च पहाडी र हिमाली भूभागमा आंशिक बादल लाग्नेछ। 

कोशी, गण्डकी र कर्णालीका उच्च पहाडी र हिमाली भूभागमा एक–दुई स्थानमा हल्का वर्षासहित हिमपात हुने विभागको अनुमान छ।