पहाडी र हिमाली क्षेत्रमा मौसम सफा रहने

काठमाडौँ– जल तथा मौसम विज्ञान विभागका अनुसार देशमा उल्लेखनीय मौसम प्रणालीको प्रभाव छैन। तराईका केही स्थानमा हुस्सु तथा तुवाँलो लागेको छ। पहाडी र हिमाली भूभागमा मौसम मुख्यतया सफा रहेको छ।

दिउँसो तराईका धेरै स्थानमा हुस्सु लाग्ने सम्भावना छ। कोशीका पहाडी र हिमाली तथा गण्डकीका हिमाली क्षेत्रमा आंशिक बदली रहनेछ। बाँकी भूभागमा मुख्यतया मौसम सफा रहने विभागले जनाएको छ।

राति तराईका केही स्थानमा हुस्सु लाग्नेछ। गण्डकी, कर्णाली र सुदूरपश्चिमका उच्च पहाडी तथा हिमाली भूभागमा आंशिक बदली हुनेछ।