पश्चिमी वायुको प्रभाव: तराईमा बिहानैदेखि हुस्सु

काठमाडौँ– देशमा पश्चिमी वायुको आंशिक प्रभाव कायम छ। तराईका अधिकांश स्थानमा हुस्सु लागेको जल तथा मौसम विज्ञान विभागले जनाएको छ। 

दिउँसो कोशी र गण्डकीका उच्च पहाडी तथा हिमाली भूभागमा आंशिक बदली रहनेछ। तराई क्षेत्रमा बेलुकासम्म नै बाक्लो हुस्सु लाग्नेछ।

हुस्सु र कुहिरोका कारण हवाई सेवामा ढिलाइ हुनसक्ने तथा तराईका विभिन्न विमानस्थलमा दृश्यता घट्दा उडानमा अवरोध हुनसक्ने सम्भावना छ।