यस्तो रहनेछ बिहीबारको मौसम

काठमाडौँ– देशभर पश्चिमी वायुको आंशिक प्रभाव रहेको छ। तराईका अधिकांश स्थानमा हुस्सु र कुहिरो लागेको छ।

कोशी, गण्डकी र कर्णालीका उच्च पहाडी तथा हिमाली भू‍भागमा आंशिक बदली रहेको जल तथा मौसम विज्ञान विभागले जनाएको छ।

दिउँसो कर्णाली र सुदूरपश्चिमका उच्च पहाडी तथा हिमाली भू‍भागमा आंशिक बदली हुनेछ। तराईका अधिकांश स्थानमा हुस्सु र कुहिरो रहनेछ।  

राति पनि तराईका धेरै स्थानमा हुस्सु नै रहनेछ। कोशी, मधेश, बागमती, गण्डकी र लुम्बिनीमा आंशिक बदली रही बाँकी स्थानको मौसम सफा रहने विभागले जनाएको छ।