ट्यांकर हटाएपछि सञ्चालनमा आयो महेन्द्र राजमार्ग

चन्द्रपुर– मंगलबार बिहानदेखि अवरुद्ध पूर्वपश्चिम महेन्द्र राजमार्ग सञ्चालन भएको छ। राजमार्गअन्तर्गत रौतहटको चन्द्रपुर नगरपालिका–४ लमाह पुल नजिक ग्यास बुलेट पल्टिँदा राजमार्ग अवरुद्ध भएको थियो।

जिल्ला ट्राफिक प्रहरी कार्यालयका प्रहरी निरीक्षक राजेन्द्र थापामगरका अनुसार बुलेटभित्रको २१ टन ग्यास रातभरि बाहिर निकालेर ट्यांकर हटाइएको हो। बाटोबाट बुलेट हटाउन ६ वटा क्रेन प्रयोग गरिएको थियो। 

यसअघि साना सवारीसाधनले चन्द्रनिगाहपुर–गौर वैकल्पिक बाटो प्रयोग गरेका थिए।