चिसो बढेपछि सुनसरीका विद्यालयमा बिदा

शितलहरको प्रभाव बढ्दै गएपछि सुनसरीका सबै स्थानीय तहले पुस १६ देखि १८ गतेसम्म विद्यालयमा बिदा दिएका छन्।

रासस

बुधबार, १६ पुष, २०८२

चिसो बढेपछि सुनसरीका विद्यालयमा बिदा
प्रतिकात्मक तस्वीर

धरान– सुनसरीमा शितलहरका कारण चिसो बढेपछि विद्यालयको पठनपाठन प्रभावित भएको छ।

शितलहरको प्रभाव बढ्दै गएपछि सुनसरीका सबै स्थानीय तहले सामुदायिक तथा संस्थागत विद्यालयमा बिदा दिएका छन्। स्थानीय तहले यही पुस १६ गतेदेखि १८ गतेसम्म विद्यालयमा बिदा दिएका छन्। 

इटहरी उपमहानगरपालिकाले मीन पचास बिदाबाट कट्टा हुने गरी विद्यालय बन्द गरिएको जनाएको छ। उपमहानगरका शिक्षा शाखा प्रमुख रमेशकुमार शाहका अनुसार चिसोका कारण बालबालिकाको स्वास्थ्यमा असर पर्न सक्ने भएकाले विद्यालय बन्द गर्ने निर्णय गरिएको हो।

यहाँका इनरुवा, दुहबी, कोशी गाउँपालिका, हरिनगरारामधुनी, दुहबीलगायत सुनसरीका सबै विद्यालयहरू सञ्चित वार्षिक बिदाबाट कट्टा हुने गरी विद्यालय बन्द गर्ने निर्णय दिइएको जनाइएका छन्। 

स्थानीय तहहरूले बालबालिकालाई घरमै न्यानो अवस्थामा राख्न अभिभावकलाई आग्रह गरेका छन्। चिसो बढेपछि आवश्यक सतर्कता अपनाउन आग्रह गरिएको छ।

प्रतिक्रिया दिनुहोस !