तराईमा बिहानैदेखि हुस्सु , हिमाली भूभागमा हिमपातको सम्भावना

काठमाडौँ– देशभर पश्चिमी वायुको आंशिक प्रभाव रहेको छ।  जल तथा मौसम विज्ञान विभागका दिउँसो तराईका अधिकांश स्थानमा हुस्सु र कुहिरो लाग्नेछ।

पहाडी तथा हिमाली भूभागमा आंशिक बदली रहनेछ। कोशी र गण्डकीका उच्च पहाडी तथा हिमाली भूभागमा हल्का वर्षासहित हिमपातको सम्भावना छ। 

त्यसैगरी, राति पनि तराईका अधिकांश स्थानमा हुस्सु रहनेछ। गण्डकीको उच्च पहाडी तथा हिमाली भागमा हल्का वर्षा र हिमपातको सम्भावना छ। 

तराई भूभागमा हुस्सु र कुहिरोको प्रभावले जनजीवन, स्वास्थ्य, सडक तथा हवाई यातायातमा प्रभाव पर्ने देखिएकाले सतर्कता अपनाउन विभागले अनुरोध गरेको छ।