यस्तो रहनेछ शनिबारको मौसम

काठमाडौँ– देशभर पश्चिमी वायुको आंशिक प्रभाव रहेको छ। तराईका केही स्थानमा  हुस्सु र कुहिरो लाग्नुका साथै गण्डकी, कर्णाली र सुदूरपश्चिममा आंशिक बदली रहेको जल तथा मौसम विज्ञान विभागले जनाएको छ।

दिउँसो पनि तराईका अधिकांश स्थानमा हुस्सु र कुहिरो रहनेछ । कर्णाली, सुदूरपश्चिम, गण्डकी र लुम्बिनीका पहाडी भूभागमा आंशिक बदली रही बाँकी स्थानको मौसम सफा रहनेछ। 

त्यस्तै, राति तराईका अधिकांश स्थानमा हुस्सु रहनेछ। गण्डकी र कर्णालीका पहाडी तथा हिमाली भूभागमा आंशिक बदली रही बाँकी स्थानको मौसम सफा रहने विभागले जनाएको छ।