ललितपुरमा ५ सवारी आपसमा ठोक्किँदा १ जनाको मृत्यु

यूएन पार्क नजिक पाँच सवारीसाधन ठोक्किएर दुर्घटना हुँदा एक जनाको मृत्यु भएको छ।

उकालो

बिहिबार, २५ मंसिर, २०८२

ललितपुरमा ५ सवारी आपसमा ठोक्किँदा १ जनाको मृत्यु

काठमाडौँ– उपत्यकाको ललितपुरस्थित यूएन पार्क नजिक बिहीबार अपराह्न करिब ४ः०० बजेको समयमा एकै ठाउँमा पाँच वटा सवारीसाधन ठोक्किएर दुर्घटना भएको छ।

उक्त दुर्घटनामा रौतहटको गौर बस्ने ४५ वर्षका राजिव सिन्हाको मृत्यु भएको काठमाडौँ उपत्यका ट्राफिक प्रहरी कार्यालयका प्रवक्ता, प्रहरी उपरीक्षक नरेशराज सुवेदीले जानकारी दिए।

उनका अनुसार दुर्घटनामा गम्भीर घाइते भएका बा ५१ प ९५६९ नम्बरको स्कुटरका चालक सिन्हाको उपचारका क्रममा नर्भिक अस्पतालमा मृत्यु भएको हो।

प्रहरीका अनुसार स्कुटरसहित कुपण्डोलबाट आउँदै गरेको बा प्र ०१–०२९ च ३८९६ नम्बरको निजी भ्यान, विपरीत दिशाबाट आउँदै गरेको बाप्र ०१–०२२ च ००६१ नम्बरको कार, बा २ ज ४७६० नम्बरको कार र बाप्र ०१–०२९ नम्बरको भ्यानसमेत ठोकिएका थिए।

प्रतिक्रिया दिनुहोस !