तोलामा २ लाख ५३ हजार १०० पुग्यो सुनको मूल्य

काठमाडौँ– नेपाली बजारमा बिहीबार सुनचाँदीको मूल्य वृद्धि भएको छ। बुधबारको तुलनामा सुन प्रतितोला १ हजार र चाँदी ५५ रुपैयाँले बढेको हो। 

नेपाल सुनचाँदी व्यवसायी महासंघका अनुसार, एक तोला सुनको मूल्य २ लाख ५३ हजार १०० रुपैयाँ कायम भएको छ। एक तोला चाँदीको मूल्य ३ हजार ८०५ रुपैयाँ रहेको छ।

बुधबार सोही परिणामको सुनको मूल्य २ लाख ५२ हजार १०० र चाँदी ३ हजार ७५० रुपैयाँमा कारोबार भएको थियो। 

अन्तर्राष्ट्रिय बजारमा एक औँस सुन ४ हजार २४२ र चाँदी ६२ अमेरिकी डलरमा खरिदबिक्री भइरहेको छ।