अमेरिकाले उत्तर कोरिया र रुसबीच हतियार ओसारपसार गर्ने पाँच व्यक्ति र संस्थामाथि प्रतिबन्ध लगाएको छ।
अमेरिकी ट्रेजरी विभागका अनुसार ती पाँच व्यक्तिहरूको सैन्य सामग्री ओसारपसारमा नियन्त्रण गर्ने र उनीहरूको अवैध कारोबार सार्वजनिक गर्ने क्रममा तथ्यहरू खुलेपछि यस्तो निर्णय गरिएको अमेरिकाले जनाएको छ।
प्रतिबन्धमा पर्ने व्यक्तिमा अलेक्से बुडनेभ र राफेल अनातोलेभिच गजारियन रहेका छन्। यस्तै, ट्रान्स क्यापिटल लिमिटेड कम्पनी, राफोर्ट लिमिटेड कम्पनी र टेक्नोलोजिया कम्पनी पनि प्रतिबन्धमा परेका छन्।
उनीहरूले दुई देशबीच हतियार स्थानान्तरणमा सहजीकरण गरेको प्रमाण फैला परेको विभागको विदेशी सम्पत्ति नियन्त्रण कार्यालयले जनाएको छ।
अमेरिकाले रुसको युद्धलाई सक्षम बनाउन हतियार र अन्य सामग्रीको ढुवानीमा सहयोग गर्न खोज्नेलाई जबाफदेही बनाउन कारबाही जारी राख्ने आतंकवाद र वित्तीय खुफियाका लागि ट्रेजरीका उपसचिव ब्रायन नेल्सनले बताए।